नायिका करिष्मा मानन्धरले यस बर्षको होली आफ्नै घरमा चलचित्रकर्मी र आफन्तसँग मनाउने भएकी छिन् । ललितपुरको गोदावरी स्थित निवासमा उनले होली बिशेष कार्यक्रमको आयोजना गर्दैछिन् ।
बिगतका केहि होली पर्व अमेरिकामा मनाएकी करिष्माले यस बर्षको होलीलाई उल्लासपूर्ण र अविष्मरणिय बनाउन उनले आफ्नै घरमा होली बिशेष कार्यक्रमको आयोजना गरेकी हुन् । सो कार्यक्रममा नेपाली चलचित्र क्षेत्रका थुप्रै कलाकारहरू उपस्थित भएर होली पर्व मनाउँदै छन् । ३/ ४ दिन अगाडी देखि नै चलचित्रकर्मीहरूलाई आफ्नो घरमा होली मनाउन आउन निम्तो दिईसकेको करिष्माको भनाई छ ।
भोली शनिबार बिहान १० बजे देखि साँझ करिब पाँच बजेसम्म होली बिशेष कार्यक्रम रहेको नायिका मानन्धरले बताईन् । यसै होली पर्वको उपलक्ष्यमा फिल्मीखबर डटकम परिवारको तर्फबाट सम्पूर्ण पाठक, चलचित्र प्रेमी दर्शक तथा चलचित्रकर्मीलाई ह्याप्पी होली !
