होलीको पावन अबसरमा शनिबार निर्देशक दिपक खाँडले निर्देशक समाजलाई ५.१ साउन्ड सिस्टम उपहार स्वरुप हस्तान्तरण गरेका छन् । समाजमा आयोजित होली विशेष कार्यक्रममा खाँडले समाजका कार्यबाहक अध्यक्ष बिमल पौडेलको हातमा सो साउन्ड सिस्टम हस्तान्तरण गरेका हुन् ।
दिपकका अनुसार निर्देशक समाजमा साउन्ड सिस्टमको अभाव महसुस गरिएकोले स्माइल इलेक्ट्रोनिक्स प्रा.लि बाट सि. प्यानो ब्राण्डको १००० वाटको सो साउण्ड सिस्टम प्रदान गरिएको हो । निर्देशक समाजले खाँडको यो सहयोग प्रति खुसी व्यक्त गर्नुको साथै उपस्थित सहभागीले दिपकलाई धन्यबाद ज्ञापन गरेका थिए ।
समाजका अध्यक्ष केहि दिन अगाडी मोटरसाईकल दुर्घटनामा परेपछि होली कार्यक्रम समाजका कार्यवाहक अध्यक्ष बिमल पौडेलको सभापतित्वमा सम्पन्न भएको थियो । कार्यक्रमको सञ्चालन उदय सुव्वाले गरेका थिए । होली कार्यक्रममा निर्माता संघका अध्यक्ष राजकुमार राई, मधेसि जनअधिकार फोरमका बिदेशी बिभाग प्रमुख अर्जुन थापा, भू.पु बाताबरण मन्त्रि गणेश शाह, कलाकार रमेश बुढाथोकी, चलचित्र प्राबिधिक संघका अध्यक्ष सन्तु तामाङ, कलाकार, निर्देशक तथा समाजका सदस्यहरूको बाक्लो उपस्थिती थियो ।
