'नायिका अरूणिमा लम्साल आज भोली कतै देखिन्नन् त । उनले चलचित्र क्षेत्र नै त्याग्न लागिछन् कि क्या हो ?' केहि दिन अघि एक चलचित्रकर्मीले उक्त भनाई फिल्मीखबर समक्ष राखेका थिए । तिनै चलचित्रकर्मीले सोमबार रातो र कालो ड्रेसमा सजिएर चलचित्र निगरानी हेर्न आएकी अरूणिमालाई देखेपछि पुन: फिल्मीखबर समक्ष भने, 'अरूणिमा त हराएकी रहिनछिन् ।'
वास्तवमै नायिका अरूणिमा केहि महिना देखि लापत्ता नै थिइन् । आफ्नै लेखनमा बनेको चलचित्र 'दिपशिखा' को व्यवसायिक असफलतासँगै उनलाई सार्वजनिक कार्यक्रममा भेट्न मुक्सिल परेको थियो । बिगत केहि महिना देखि अरूणिमा कुनै पनि सार्वजनिक कार्यक्रममा नदेखिए पछि चलचित्रकर्मी र सञ्चारकर्मीले उनले चलचित्र क्षेत्र त्याग्न लागेको आशंका व्यक्त गरेका थिए । चलचित्र निर्माणमा कमी आउनु र उनका हातमा अहिले कुनै चलचित्र नहुनुले पनि यस्तो शंका उब्जनु खासै नौलो कुरा हैन ।
केहि दिन अघि मात्र सम्पन्न एक फिल्मी अवार्ड समारोहमा नायिका अरूणिमा आफ्नो अवार्ड लिन पनि नगएपछि उनीमाथी अझ बढि शंका उब्जिएको हो । चलचित्र 'दिपशिखा' असफल हुनु र सुदर्शन थापाको चलचित्र 'के यो माया हो' मा अभिनय गरेपछि अहिले उनका हातमा कुनै चलचित्र हातमा नहुनुले अरूणिमा चलचित्र क्षेत्र देखि केहि फ्रस्टेड भएको स्रोतले बताए पनि फिल्मीखबरलाई प्राप्त जानकारी अनुसार उनी अहिले नयाँ घरजम गर्नमा व्यस्त छिन् । मध्यबानेश्वर भाडामा बस्दै आएकी नायिका अरूणिमाले अहिले नयाँ घर किनेकी छिन् । त्यहि नयाँ घरको व्यवस्थापनले गर्दा उनी व्यस्त भएको बुझिएको छ ।
बिगत लामो समयदेखि चलचित्र क्षेत्रमा योगदान पुर्याउँदै आएकी सुन्दर नायिका अरूणिमा एक्कासी हराउँदा चासोको बिषय बन्नु स्वाभाविक नै हो । अरूणिमा जि दर्शक तथा चलचित्रकर्मीलाई केहि नभनी एक्कासी हराउन त भएनन् नि ! तपाईंलाई उनीहरूको चिन्ता नलागेपनि तपाईंको बारेमा चिन्ता गर्ने धेरै नै छन् है । कि कसो ?
