करिब दुई बर्ष अघि स्थानीय स्तरमा निर्माण गरिएको चलचित्र 'कमाण्डर' को आगामी बैशाख ३ गते बिशेष समारोहका बिच बाग्लुङमा च्यारिटी सो गरिने भएको छ ।
आर.बि.ए. फिल्मसको ब्यानरमा निर्माण गरिएको उक्त चलचित्रको माओबादीका अध्यक्ष पुष्पकमल दाहाल प्रचण्डको बिशेष उपस्थितिमा पहिलो पटक कालीगण्डकी चलचित्र मन्दिरमा च्यारिटी सो गरिने चलचित्रका निर्माता तथा निर्देशक निर्मल जिसीले फिल्मीखबरलाई जानकारी दिए । चलचित्र युनिटले बुधबार बिहान बाग्लुङमा आयोजना गरेको पत्रकार सम्मेलनमा बोल्दै जिसीले धौलागिरीका बिभिन्न क्षेत्रमा छायाकंन गरिएको चलचित्र कमाण्डर जनयुद्ध र जनआन्दोलनमा आधारित भएको बताए ।
स्थानिय कलाकारहरु निर्मल जिसी, बिना भुजेल, कञ्चन पुन, धर्मराज शर्मा, दिल निसानी पण्डित, देव शर्मा, जिवन दास, पदम केसी लगायतको भुमिका रहेको चलचित्रमा धनी र गरिब बिचको अन्तरलाई प्रस्तुत गरिएको युनिटले जनाएको छ । शहिदको सन्तानका नामबाट निर्माण शुरु भएको उक्त चलचित्रको शिर्ष गित मिलाउने क्रममा कमाण्डर नाम परिवर्तन गरिएको हो ।
