भर्खरै मात्र एक सञ्चारमाध्यममा अर्न्तवार्ता दिने क्रममा महानायकले भने, 'यो बर्ष चलचित्र उधोगको लागी दु:खद रहेपनि मेरो लागी भने सुखद नै रह्यो ।' महानायकको सो भनाईबाट के प्रस्ट हुन्छ भने महानायक आफ्नो मात्र सोझो गरेका छन् । उनलाई नेपाली चलचित्र उधोगको बारेमा खासै चिन्ता छैन ।
पोलेको घाउमा नुन छर्दाको पिडा सायद महानायकलाई थाहा रैन छ क्यारे ! अहिले नेपाली चलचित्र उधोग धरासायी बन्दै गएको छ । अझ यसो भनौं नेपाली चलचित्रका निर्माताहरूको घरबार नै डुबेको छ । यस बर्ष थुप्रै नेपाली चलचित्र रिलिज भए र केहि चलचित्र बाहेक सबै असफल भए । तर महानायकलाई चलचित्र असफल हुँदा केहि चिन्ता नभएको प्रस्ट हुन्छ ।
भनिन्छ नि, 'आफू भलो त जगत भलो।' यो उखान महानायकमा लागु भएको छ अहिले । उनलाई आफ्नो दुनो सोझ्याउन बाहेक अन्य कुराको सोच नआएको सो अर्न्तवार्ताले देखाउँछ । हुनत उनलाई महानायकले जस्तो पायो त्यस्तो चलचित्रमा अभिनय गरेर नेपाली चलचित्र उधोग बिगारेको आरोप नलागेको पनि हैन ।
महायानकले यस बर्ष थुप्रै चलचित्रमा काम गरे र मनग्य पैसा पनि कमाए । सायद त्यहि भएर होला उनले यो बर्ष आफ्ना लागी सुखद रहेको बताएको । हमाल जि महानायक जस्तो गरिमामय पद पाएर पनि यस्तो स्वार्थ राख्न त भएन नि ! कि कसो ?
