गोपीकृष्ण मुभिजले निर्माण गरेको पछिल्लो चलचित्र 'प्रितिको फुल' भोली शुक्रबारबाट देशभर एकसाथ प्रदर्शनमा आउँदैछ । रिलिजको पूर्वसन्ध्यामा बिहिबार गोपीकृष्ण हलमा सो चलचित्रको प्रिमियर गरियो ।
रेशराज आचार्यको निर्देशनमा बनेको सो चलचित्रमा राजबल्लभ कोइराला, युना उप्रेती, गरिमा पन्त, राजाराम पौडेल लगायतले अभिनय गरेका छन् । त्रिकोणात्मक प्रेमकथामा आधारित रहेर निर्माण गरिएको सो चलचित्रले 'अरू फूल झर्छन् ओईलाउँछन् तर प्रितीको फूल न झर्छ न ओईलाउछ' भन्ने भनाईलाई चरितार्थ गर्न खोजेको छ । उद्धव पौडेलको प्रस्तुती रहेको सो चलचित्रमा तारा प्रकाश लिम्बुको संगीत रहेको छ ।
गोपीकृष्ण मुभिजले यस अघि निर्माण गरेका चलचित्रहरूले खासै राम्रो व्यापार गर्न नसकिरहेको अवस्थामा चलचित्र 'प्रितिको फुल' भने फुल्ने बिश्वास गरिएको छ । स्मरण रहोस् गोपीकृष्ण मुभिजले निर्माण गरेको पहिलो चलचित्र 'पर्खि बसें' ले अन्य चलचित्र भन्दा राम्रो व्यापार गरेको थियो । अहिले सोही चलचित्रमा बाट डेब्यू गरेका कलाकारद्वय राजबल्लभ र युनाले पुन: एकसाथ अभिनय गरेका छन् । त्यसैले यो चलचित्र पनि 'पर्खि बसें' जस्तै सफल पो हुन्छ कि ? आशा गरौं प्रितीको फूल देशभरका दर्शकहरूको मनमा राम्रोसँग फूल्ने छ ।
