नयाँ बर्ष २०६७ को शुरूवातसँगै फिल्मीखबरले प्रकाशित गरेको नायिका रेखा थापाको 'मेरो बिहे भएकै छैन' शिर्षकको समाचार नै सर्वाधिक हिट बन्यो । बैशाख दुई गते प्रकाशित भएको सो समाचार अहिले सम्म ३,६६७ ले पढेका छन् भने २२ वटा प्रतिक्रियाहरू आएका छन् ।

नायिका रेखाले सो समयमा एक रेडियोलाई अर्न्तवार्ता दिने क्रममा आफू अहिले सम्म अबिबाहित रहेको बताएकी थिईन् । आफूले अहिलेसम्म बिबाह नगरेको भन्दै रेखाले 'डोग्' जस्तै इमान्दार र हिफाजत गर्न सक्ने खालको व्याईफ्रेण्ड खोजिरहेको बताएकी थिईन् । सो समाचार प्रकाशित गरेको एक बर्ष पनि नपुग्दै रेखाले आफ्नो फेसबुकमा बिधवा भएको कुरा सार्वजनिक गरेकी थिईन् । यसरी हेर्दा रेखा सञ्चारमाध्यममा स्क्याण्डल मच्चाउन खप्पिस नायिका मनिन्छिन् ।

रेखाको सो समाचार पछि अर्की नायिका युना उप्रेतीको समाचार हिट बन्यो । 'स्कुटी स्टार्ट नहुँदा यूनालाई टेन्सन' नामको शिर्षकमा प्रकाशित भएको सो गसिप न्यूजलाई ३३२१ जनाले पढेका छन् । तर सो समाचारमा भने एउटा मात्र प्रतिक्रिया आएको छ । युनाको समाचार पछि धेरैले पढेको 'त्यो झुपडीमा एक्लो गोपाल भुटानीको दशै  ' शिर्षकको समाचार रह्यो । अनुप भट्टराईले तयार पारेको सो समाचारलाई ३१४६ जनाले पढेका छन् भने ११ जनाले आफ्नो प्रतिक्रिया पनि दिएका छन् ।

चलचित्रमा अभिनय गरेर भन्दा पनि सम्बन्धको कारणले बर्ष भरि चर्चामा रहेका नायक निखिल उप्रेती र नायिका सञ्चिता लुईटेल बिचको सम्बन्धको बारेमा तयार पारिएको समाचार चौथो स्थानमा पर्न गएको छ । ''दुवैसँग सम्बन्ध चिसियो' : निखिल उप्रेती' शिर्षकमा प्रकाशित सो समाचारलाई २८३३ जना पाठकले पढेका छन् । मुम्बईको दश महिने बसाई पछी माघ १० गते सोमबार नेपाला आउँदा सञ्चारकर्मीसँग कुरा गर्दै नायक निखिलले आफ्नी श्रीमतीद्वय कोपिला उप्रेती र सञ्चिता लुईटेलको सम्बन्धको बारेमा बोल्दै मौसम जस्तै आफ्नो त्रिपक्षिय सम्बन्धमा केही चिसोपना आएको बताएका थिए । सो समाचारमा भने एउटा पनि प्रतिक्रिया आएको छैन ।

०६६ सालमा भिडियो स्क्याण्डलमा परेकी नायिका नम्रता श्रेष्ठ र नायक दिलिप रायमाझी बिचको समाचार फिल्मीखबरको हिट न्यूज अर्न्तगत पाचौं नम्बरमा परेको छ । सो समाचारलाई २८०८ जनाले पढेका छन् भने सो समाचारमा ८ जनाले प्रतिक्रिया दिएका छन् । प्रदर्शनको क्रममा रहेको चलचित्र 'मिस यू' को छायाँकनको क्रममासो समाचार 'नम्रता र दीलिप एउटै ओच्छ्यानमा' नामको शिर्षकमा प्रकाशित भएको थियो । नम्रता र दीलिपको सो समाचार पछि अभिनेत्री मनिषा कोईरालाको सम्बन्धको बारेमा तयार पारिएको समाचार छैठौं स्थानमा पर्न गएको छ ।

नौ महिना अघि काठमाण्डौको गोकर्ण रिसोर्टमा धुमधामका साथमा विवाह गरेका नायिका मनीषा कोईराला र सम्राट दाहालविच पारापाचुके (डिभोर्स) को खवरले चलचित्र वजार तातिरहेको बेला मनिषाले सामाजिक संजाल फेसबुकमा आफूले डिभोर्स चाहेको कुरा उल्लेख गरेपछि फिल्मीखबरले 'मनीषा डिभोर्स चाहन्छिन् ' शिर्षकमा समाचार प्रकाशित गरेको थियो । सो समाचारलाई २५६१ जनाले पढेका छन् भने एक जनाले मात्र प्रतिक्रिया दिएका छन् ।

सातौं स्थानमा भने महानायक राजेश हमालको समाचार परेको छ । चलचित्र 'दुलही' को बिषयलाई लिएर 'फ्यानसँग राजेश हमालको बिहे' शिर्षकमा बिजय आवाजले तयार पारेको सो समाचारलाई २५२४ जनाले पढेका छन् भने १६ जनाले आफ्नो प्रतिक्रिया दिएका छन् । महानायकको समाचारलाई पछ्याउँदै अभिनेत्री करिष्मा मानन्धरको 'करिष्माको स्तनमा ट्याटु' शिर्षकमा प्रकाशित भएको समाचार आठौं स्थानमा पर्न गएको छ । सो समाचारलाई २१९५ जनाले पढेका छन् भने ८ जनाले प्रतिक्रिया दिएका छन् । करिष्माले टाटु खोपेको समाचार  फिल्मीखबरले पहिलो पटक सार्वजनिक गरेको हो ।

अभिनेत्री करिष्माको समाचार पछि पुन: रेखा थापाकै अर्को समाचार फिल्मीखबरको टप टेन भित्र पर्न सफल भएको छ । निर्देशक शुरेस दर्पण पोखरेलसँग किस बाजी हारेपछि फिल्मीखबरले 'रेखाले हारिन् किस बाजी ' नामको शिर्षकमा तयार परेको समाचार नवौं स्थानमा परेको छ । सो समाचारलाई १८४७ जनाले पढेका छन् भने पाँच जनाले आफ्नो प्रतिक्रिया दिएका छन् । फिल्मीखबरको टप टेन न्यूज अर्न्तगत दशौं स्थानमा चलचित्र शासनका निर्माता तथा नायक लोकेन्द्र कार्कीको समाचार परेको छ । लोकेन्द्रले थुप्रै सञ्चारमाध्यममा बिज्ञापनको लाखौं रूपियाँ तिर्न बाँकी रहेको कुरा बाहिर आएपछि फिल्मीखबरले 'लोकेन्द्र बहादुर ठग' नामको शिर्षकमा समाचार तयार पारेको थियो । सो समाचारलाई १७७७ जनाले पढेका छन् भने पाँच जनाले प्रतिक्रिया व्यक्त गरेका छन् ।

पाठकको हिसाबले रेखाको समाचार एक नम्बरमा परेको छ भने यता प्रतिक्रियाको हिसाबले भने सचिन घिमिरेले तयार पारेको समाचार एक नम्वरमा पर्न गएको छ । चलचित्र 'दाशढुंगा' को बारेमा तयार पारिएको 'दासढुंगा देखि दबगंसम्म ' शिर्षकको समाचारमा ३७ जनाले प्रतिक्रिया दिएका छन् । सो समाचलाई १५२२ जनाले पढेका छन् । प्रतिक्रियाकै हिसाबले दोस्रो नम्बरमा नायिका रेखा थापाका दुई समाचार परेका छन् । 'मेरो बिहे भएकै छैन' र 'प्रिय रेखा जी ! तपाँइले चोर्नु भयो मेरो मन' मन शिर्षको समाचार दोस्रो स्थानमा पर्न गएका छन् ।

तेस्रो स्थानमा भने 'हाँसि देऊ एक फेर नचलाउन भारतीय दवाव', शिर्षकमा प्रकाशित भएको समाचार परेको छ । मह जोडी अभिनित चलचित्र हाँसि देऊ एक फेर कमलपोखरी स्थित सिटि सेन्टरमा रहेको  बिग सिनेमामा चलाउने अन्तिम तयारी हुँदाहुँदै सो चलचित्रलाई चल्न दिईएको थिएन । जुन समाचारलाई फिल्मीखबरले प्रमुखताका साथ प्रकाशित गरेको थियो । सो समाचारमा २० जनाले प्रतिक्रिया दिएका छन् । प्रतिक्रियाको हिसाबले चौथो नम्बरमा 'पाँच बर्षे नायक शिर्षक सापकोटा' र 'हृयाप्पी बर्थडे निशा' नामका दुई समाचार परेका छन् । ति दुबै समाचारमा १८ जनाले प्रतिक्रिया दिएका छन् । पाचौं नम्बरमा भने 'भुटानीको निधन' र 'फ्यानसँग राजेश हमालको बिहे' शिर्षकका समाचार परेका छन् । ति दुई समाचारमा १६ जनाले प्रतिक्रिया दिएका छन् ।

यसरी हेर्ने हो भने नायिका रेखा थापाको समाचार फिल्मीखबरमा सर्वाधिक हिट बनेको छ । यि नायिकालाई बिभिन्न सञ्चारमाध्यमले  ०६७ सालमा चलचित्र प्रदर्शन र चर्चाका हिसाबले पनि एक नम्बरमा राखेका छन् । गसिप क्विनको उपाधी पाएकी नायिका रेखा थापालाई सबैतिर एक नम्बरमा पर्न सफल भएकोमा हार्दिक बधाई । र, अन्तमा फिल्मीखबरलाई माया गर्नुहुने देशबिदेशमा रहनु हुने सम्पूर्ण पाठक, नेपाली दाजुभाई दिदीबहिनी तथा नेपाली चलचित्र प्रेमी दर्शकहरुमा नवबर्ष २०६८ सालको सुखद उपलक्ष्यमा सुख, शान्ति र समृद्धिको हार्दिक मंगलमय शुभकामना !

फिल्मीखबरका टेप टेन न्यूजका लिङ्कहरू (पाठक)

1. 'मेरो बिहे भएकै छैन' - नायिका रेखा थापा         
2. स्कुटी स्टार्ट नहुँदा यूनालाई टेन्सन
3. त्यो झुपडीमा एक्लो गोपाल भुटानीको दशै
4.  'दुवैसँग सम्बन्ध चिसियो' : निखिल उप्रेती
5.  नम्रता र दीलिप एउटै ओच्छ्यानमा
6. मनीषा डिभोर्स चाहन्छिन्
7. फ्यानसँग राजेश हमालको बिहे
8. करिश्माको स्तनमा ट्याटु
9. रेखाले हारिन् किस बाजी
10. लोकेन्द्र बहादुर ठग

फिल्मीखबरका टेप फाईभ न्यूजहरू (प्रतिक्रिया)

1. दासढुंगा देखि दबगंसम्म
2. 'मेरो बिहे भएकै छैन' - नायिका रेखा थापा,   प्रिय रेखा जी ! तपाँइले चोर्नु भयो मेरो मन
3. हाँसि देऊ एक फेर नचलाउन भारतीय दवाव
4. हृयाप्पी बर्थडे निशा,   पाँच बर्षे नायक शिर्षक सापकोटा
5. फ्यानसँग राजेश हमालको बिहे,   भुटानीको निधन