फिल्मीखबर डटकमका प्रधानसम्पादक सुमन गैरेले मोडलिङ गरेको म्युजिक भिडियो सार्वजनिक गरिएको छ । महिला गजलकार कल्पना श्रेष्ठको गजल एल्बम 'कल्पपुञ्ज' को बिमोचनसँगै सो भिडियो पनि सार्वजनिक गरिएको हो ।

सार्वजनिक गरिएको सो भिडियोमा सुमनसँग नायिका नन्दिता केसीले अभिनय गरेकी छिन् । सञ्चारकर्मी समन अधिकारीले निर्देशन गरेको सो भिडियोको छायाँकन महाकाली नदि, कर्णाली नदि र टिकापुर पार्कमा गरिएको हो । पर्यटन बर्ष २०११ लाई लक्षित गरि निर्माण गरिएको सो भिडियोको छायाँकन सुरेश बज्रचार्यले गरेका हुन् । अञ्जु पन्तले गाएको 'सम्झी सम्झी नरूवाउनु...' बोलको उक्तगीतमा महेश खड्काको संगीत रहेको छ ।

यसैगरी कार्यक्रममा नायक रमित ढुंगाना र गीतकार श्रेष्ठले अभिनय गरेको म्युजिक भिडियो पनि सार्वजनिक गरिएको थियो । गायिका इतु जोजेझु र टिका भण्डारीको स्वर तथा टिका भण्डारीको संगीत रहेको 'जीन्दगी र रैछ आधा घाम आधा पानी बोलको...' सो गीत पनि महाकाली नदि, कर्णाली नदि र टिकापुर पार्कमा गरिएको हो । शुक्रबार गौशाला स्थित म्युजिक स्कुलमा एक कार्यक्रमको आयोजना गरि नेपाल प्रज्ञा प्रतिष्ठानका कुलपति बैरागी काईंलाले सो एल्बमको बिमोचन गरेका हुन् ।

सार्वजनिक गरिएको सो एल्बममा सात वटा गीत छन् । जसमा अञ्जु पन्त, दिपक लिम्बु, जगदिश समाल, स्वरूपराज आचार्य, टिका भण्डारी, इतु जोजेजू, करूणा हमाल, सोनाम बज्यू तामाङको स्वर तथा महेश खड्का, टिका भण्डारी, राजु सिंह र सोनाम बज्यू तामाङको संगीत रहेको छ । एल्बमलाई म्युजिक नेपालले बजारमा ल्याएको हो । एल्बमलाई लक्ष्मीराज श्रेष्ठले निर्माण गरेका हुन् ।

Samjhi samjhi naruwaunu - Kalpapunja