रिमेश अधिकारीले निर्माण गरेको चलचित्र 'म बिर्सुं कसरी' रिलिजको पूर्व सन्ध्यामा बिहिबार राजधानीको कुमारी हलमा बिशेष शो गरियो । गत चैत्र २५ गतेबाट राजधानी बाहिरका सिनेमा घरमा प्रदर्शन भईरहेको सो चलचित्र भोली शुक्रबारबाट राजधानीका करिब एक दर्जन सिनेमा घरमा प्रदर्शन हुँदैछ । चलचित्रको बिशेष शोमा कलाकार, पत्रकार, नेता तथा प्राबिधिकहरूको उपस्थिती रहेको थियो ।
बासुदेव पोखरेल निर्देशित चलचित्र 'म बिर्सुं कसरी' मा सुमन सिंह, आयुष रिजाल, मुकेश आचार्य, नीता ढुंगाना, सोनिया केसी, पुष्कर भट्ट, बिबेक भट्टलगायतको अभिनय रहेको छ । प्रेमकथाको साथमा द्वन्दलाई प्रमुख प्राथमिकतामा राखेर निर्माण गरिएको सो चलचित्रमा विनोद खम्बू तथा प्रल्हाद भक्तको संगीत, राम जनकको द्वन्द्व, सुमन तन्डुकारको छायाँकन तथा बब्बु थापाको नृत्य रहेको छ ।
पद्म कुमारी फिल्मसको ब्यानरमा मनोज आचार्य र किशोर साम्वाहाम्फेको पनि लगानी रहेको सो चलचित्रमा नायक मुकेश आचार्य खलपात्रको भुमिकामा प्रस्तुत भएका छन् । यो चलचित्र करिब अढाई महिनामा तयार गरिएको हो ।
