नायिका रेखा थापाले मोबाईल बोक्दिन भनेको धेरै भएको छैन । मोबाईल बोक्दिन भनेको एक साता बित्न नपाउँदै रेखाले गोप्य रूपमा मोबाईल बोक्ने गरेको खुलासा भएको छ ।
रेखाले फोनको कारणले गर्दा धेरै तनाव उत्पन्न भएकोले सो तनावबाट मुक्ति पाउन मोबाईल बोक्न छाडेको बताएकी थिईन् तर उनको बोली चुकेको छ अर्थात उनले सञ्चारकर्मीहरूलाई पनि गुम्राहमा राख्दै मोबाईल बोकि नै रहेको जानकारी प्राप्त भएको छ । उनले अहिले नेपाल टेलिकमको प्रिपेड नम्बरको सिमकार्ड प्रयोग गरिरहेको बिशेष स्रोतले जनाएको छ । सो नम्बर कमै व्यक्तिलाई मात्र थाहा भएको स्रोत बताउँछ । सो नम्बर आफ्ना अत्यन्त नजिकका आफन्त र साथीभाई बाहेक अन्यले थाहा नपाउन् भन्ने रेखाको सोच छ तर के त्यो सम्भव होला ?
रेखाले यस अघि पनि प्रिपेड कै नम्बर प्रयोग गरेकी थिईन् । जब त्यो नम्बर संसारभर फैलियो त्यसपछि उनले पोस्टपेड नम्बर प्रयोग गर्न थालिन् । पोस्टपेड नम्बर प्रयोग गर्दा उनले भनेकी थिईन्,'यो नम्बर त कसैलाई पनि भन्दिन ।' तर त्यो कुरा सम्भव रहेन र नम्बर पुन: संसार भर फैलियो । संसारले आफ्नो नम्बर थाहा पाएपछि रेखाले अहिले फेरि नयाँ मोबाईल नम्बर प्रयोग गर्न थालेकी छिन् । तर यो नम्बर पनि नफैलिएला भन्न सकिन्न । किनकी उनी चलचित्र उधोगकी चर्चित नायिका हुन् । उनको चासो हरेक क्षेत्रका व्यक्तिलाई हुन्छ ।
धेरै मिस कल र काम नपरिकन पनि फोन आउने हुनाले मोबाईलबाट टाढा रहन खोजेकी रेखाको लागि यो कार्य सम्भव भएन । उनी बाध्य भएर मोबाईल बोक्न शुरू गरिन्। अहिले उनले प्रयोग गर्ने गरेको नम्बर ९८४१****** माफ गर्नुहोला ! तपाईंले खोज्नु भएको नम्बर अहिले दिन सकिन्न । केहि महिना पर्खनु होला !
