चलचित्र पत्रकार सघ स्थापना दिवशको अबसर पारेर चलचित्र पत्रकार संघ मकवानपुर शाखाको आयोजनामा शनिबार चलचित्र बिकाशको लागी पत्रकारहरुको भुमिका बिषयक अन्तरकृया कार्यक्रम सम्पन्न भएको छ ।
पत्रकार महासंघ मकवानपुर शाखाको अध्यक्ष भानुभक्त आचार्यको प्रमुख आतिथ्यमा भएको कार्यक्रममा चलचित्र पत्रकारलाई आगामी बर्ष देखी रु ५००१ पुरस्कार राशी सहित सम्मान गरिने जनाईएको छ । आज भन्दा एघार बर्ष अगाडी स्थापना भएको सघंको मकवानपुर शाखामा भने तिन बर्ष अगाडी स्थापना भएको थियो । कार्यक्रममा नेपाल पत्रकार महासघं मकवानपुर शाखा अध्यक्ष भानुभक्त आचार्य, प्रेश युनियनका केन्द्रिय सदस्य राममणि दाहाल, नेपाल चलचित्र सघं बितरण समितिका सभापति नरेन्द्र मर्हजन लगायतले मन्तब्य ब्यक्त गरेका थिए ।
कार्यक्रममा प्रमुख अतिथी आचार्यले मकवानपुरका कलाकारहरुले राष्ट्रिय स्तरमा चर्चा कमाई रहेकाले अझ नयाँ कलाकारहरुको पनि समाचारलाई प्रशय दिई मकवानपुरमा छायाँकन भएका चलचित्रहरुको समाचारलाई महत्व दिनु पर्ने बताए । यस्तै अतिथि मर्हजनले पनि चलचित्र बिकाशको लागी पहिलो भुमिका पत्रकारहरुको हुने हुँदा सबै पत्रकार साथीहरुले यसको बिकाशको लागी नयाँ-नयाँ छायाँकन स्थलहरुको बारेमा प्रचारमुलक रुपमा समाचार सम्प्रेशण गर्नु पर्नेमा जोड दिए । अन्तरकृया कार्यक्रममा स्थापना दिबशको अबसर पारेर मकवानपुरमा कृयाशिल एक जना चलचित्र पत्रकारलाई रु ५००१ को राशी सहित सम्मान गर्ने बताइएको छ ।
