रोज राणाले निर्माण गरेको चलचित्र 'म छु नि तिम्रो' को हाल बालाजु स्थित चलचित्र बिकास कम्पनीमा डबिङ कार्य भईरहेको छ । भदौ महिनामा सार्वजनिक गर्ने तयारी भईरहेको सो चलचित्रको डबिङ सुरूवात नायिका सौजन्य सुब्बाले गर्दैछिन् ।
सोफिया सिने आर्टसको प्रस्तुतीमा निर्माण गरिएको सो चलचित्रमा सौजन्यका अलावा रोज राणा र आयुष रिजालको मुख्य भुमिका रहेको छ । दादागिरी, खलनायक, डन, दोस्ती जस्ता एक्सन प्रधान चलचित्र निर्माण गरेका रोजको यस चलचित्रलाई मदन घिमिरेले निर्देशन गरेका हुन् । करिब एक बर्ष अघि मानव बेच बिखन बिरूद्वको अभियोगमा जेल परेका राणाले अदालतबाट सफाई पाएपछि 'म छु नि तिम्रो' को निर्माण गरेका हुन् ।
मौनता श्रेष्ठको कथा रहेको सो चलचित्रमा चेतन सापकोटा र बसन्त सापकोटाको संगीत, एनबी महर्जनको द्वन्द तथा कविराजको नृत्य रहेको छ । प्रेम कथामा आधारित सो चलचित्रको प्रचारप्रसारसँगै रोजले एक्सन प्रधान चलचित्र 'ग्याङस्टार' निर्माण गर्दैछन् । जुन चलचित्रको निर्देशन पनि आँफैले गर्ने रोजले बताए । रोजले केहि दिन अगाडी यस चलचित्रको पोस्टर फिल्मीखबर डटकमबाट सार्वजनिक गरेका थिए ।
