छायाँछबि प्रकाशनको फिल्मीखबर साप्ताहिकले छायाँछबि फिल्मीखबर पकेट डायरी सार्वजनीक गरेको छ । डायरीमा बि.सं. २०६८ सालको पात्रो सहित चलचित्र पत्रकारहरुको टेलिफोन नं समाबेश गरीएको छ ।
कुल ६४ पृष्ठको यो डायरीको अगाडीका १२ पृष्ठमा पात्रो र पछाडीका ४ पेजमा चलचित्र पत्रकारहरुको टेलिफोन नं उल्लेख गरीएको छ । चलचित्र 'मिस यु', 'मालतिको भट्टी' र 'दुलही' को प्रचार पोष्टर समेत समेटीएको यस डायरीका ४४ पृष्ठ भने खालि छन् । ति पृष्ठ आफु अनुकुल प्रयोग गर्न सकिने फिल्मीखबरका सम्पादक शान्ति प्रियले जानकारी दिए । चलचित्र पत्रकारहरुको नम्बर एकै ठाउँमा समेटेर यसरी डायरी प्रकाशन गर्दा चलचित्रकर्मीहरुलाई धेरै नै सहयोग मिल्ने चलचित्र कर्मीहरुको भनाई छ ।
चलचित्रसँग सम्बन्धित ब्यक्तिहरुलाई चलचित्र पत्रकारहरुसँग सम्पर्क गर्न सजिलो होस भन्ने हेतुले सञ्चार माध्यमको नाम र त्यससँग सम्बन्धित पत्रकारको नम्बर सो डायरिमा उल्लेख गरिएको प्रियले बताए । तर सो डायरी बिक्रि गर्नको लागी भने प्रकाशन नगरिएको सम्पादक प्रियले बताए ।
