विश्वकै आर्कषण रहेको टुईन टावर अर्थात केएलसिसिको सिनेमा घरमा नेपाली कथानक चलचित्र प्रर्दशन हुने भएको छ । नेपाल म्युजिक सेण्टरको पहलमा नेपाली कथानक चलचित्र कहाँ भेटिएला आगामि महिनाको जुलाई तीन तारिखका दिन प्रर्दशन हुन लागेको हो । चलचित्र प्रर्दशनको लागि नायक श्रीकृष्ण श्रेष्ठ र नायिका स्वेता खड्का जुन २९ तारिखका दिन मलेसिया आउने भएका छन् ।
अर्न्तराष्ट्रिय वजारमा नेपाली चलचित्रलाई पुर्याउनका लागि कहाँ भेटिएलाको प्रर्दशन गर्न लागेको आयोजक संस्था मध्येका एक ग्याल्सेन लामाले फिल्मीखबरलाई जानकारी दिए । मलेसियाको यस्तो ठूलो हलमा नेपाली चलचित्र प्रर्दशन हुन लागेको यो पहिलो पटक हॊ । अत्यन्तै महंगो र विश्वकै ध्यान तानिएको केएलसिसिको हलमा चलचित्र देखाउदा नेपाली चलचित्रको विश्व वजारमा राम्रो प्रभाव रहने भएकाले पनि उक्त स्थान रोजीएको लामाले बताए ।
दुई सय ५३ वटा सिटको क्षमता रहेको टिजीभिको चार नम्वर हलमा प्रर्दशन हुने चलचित्रलाई मलेसियामा अत्यन्तै महत्वका साथ हेरिएको छ । शिव रेग्मीको कथा र निर्देशन रहेको कहाँ भेटिएला लाई नायक श्रीकृण श्रेष्ठले निर्माण गरेका हुन् । नेपालका थुप्रै हलहरूमा ५१ दिन मनाउन सफल सो चलचित्रमा श्रीकृष्ण श्रेष्ठ, स्वेता खड्का, निरूता सिंह, निर शाह लगायतले अभिनय गरेका छन् ।
