कर्ण शाक्यको कथा तथा रमेश बुढाथोकीको निर्देशनमा तयार भएको चलचित्र पलको आज बिशेष प्रदर्शन हुने भएको छ । यस अघि राष्ट्रपति डा. रामवरण यादबले चलचित्र हेरी सकेको भए पनि ६०१ जना सभाषदहरुलाई यो चलचित्र आज साँझ ६ बजे जयनेपाल हलमा देखाइने नेपाल जेसिसका अध्यक्ष महेश दहालले जानकारी गराए ।
एक जना सभाषदलाई मुख्य पात्रका रुपमा प्रस्तुत गरीएको यस चलचित्र आज नेपाज जेसीसले सभाषदहरुलाई नै देखाउन लागेको हो । यो चलचित्रको च्यारिटी शोबाट उठेको रकम समाज सेवामा जेसिसले नै खर्च गर्ने गरी जेसिसले देशभर च्यारीटि शो गर्ने भएको छ । यसकै सुरुवात स्वरुप आज बिशेष शो आयोजना गरीएको र भोलिबाट च्यारिटी शोको काम अगाढी बढाइने दहालले जानकारी दिए ।
उनका अनुसार यस चलचित्र सभाषदहरुले हेर्नै पर्ने भएकाले सम्पुर्ण सभाषदहरुका साथै शिर्ष नेताहरुलाई निम्ता दिइएको छ । अध्यक्ष दहालका अनुसार अहिले सम्म नेपाली काग्रेसका सभापति शुशिल कोइराला, बरिष्ठ नेता शेरबहादुर देउवा, एमालेका बरिष्ठ नेता केपी ओली, माओबादीका उपाध्यक्ष बाबुराम भट्टराई, सदभावना आनन्द देबिका अध्यक्ष राजेन्द्र महतो लगायतका नेताहरु आउने पक्क भै सकेको छ ।
