फिल्मीखबर डटकमले आज आफ्नो दोस्रो बार्षिक उत्सव एक भब्य समारोहको आयोजना गरी मनाएको छ । अनलाइन पत्रिकाको रुपमा नेपाली चलचित्रको प्रर्वद्धनमा निरन्तर यात्रारत फिल्मीखबर डटकमको दोस्रो बार्षिक उत्सबका अबसरमा आयोजीत कार्यक्रममा उपस्थित चलचित्रकर्मीहरुले नेपाली चलचित्रको बारेमा बिश्व भरका नेपाली चलचित्र प्रेमीलाई सुसुचित गराउन फिल्मीखबर डटकम सफल भएको बताए ।

सुचना तथा सञ्चारमन्त्री अग्नी प्रसाद सापकोटाले पठाउनु भएको शुभकामना सन्देश संगै वर्ष २०६७ का सर्वाधिक सफल नायक प्रशान्त तामाङ र सफल नायिका रेखा थापाले केक काटेर सुरु भएको सो भव्य समारोहमा उपस्थित चलचित्रकर्मीहरुले तेस्रो वर्ष प्रबेशका अवसरमा शुभकामना दिदै समयको परिवर्तन संगै अहिले अनलाईन पत्रिका पढ्ने पाठकको संख्यामा बृद्धि भएको भन्दै आफुहरुले पनि फिल्मीखबर डटकम पढ्ने गरेको बताए ।

कार्यक्रमका प्रमुख अथिति चलचित्र बिकाश बोर्डका अध्यक्ष गणेश भण्डारीले संसारका चलचित्र प्रेमी माझ सबैभन्दा छिटो अनलाइन पत्रिकाले समाचार पुर्‍याउने भन्दै फिल्मीखबर डटकमको प्रशंसा समेत गरे । यस्तै नायिका रेखा थापाले त फिल्मीखबर डटकम नपढी निद्रा नै नलाग्ने बताईन् । यस्तै उनले फिल्मीखबर डटकमले समाचार प्रकाशन गर्दा आफुले तत्कालै त्यसको प्रतिक्रिया पाउने गरेको समेत बताएकी छन् ।

कार्यक्रमका आर्कषण बनेका नायक तथा गायक प्रशान्त तामाङले फिल्मीखबरको माध्यमबाट आफु जहाँ भएपनि नेपाली चलचित्रको बारेमा जानकारी पाउने गरेको बताए । यस्तै शुभकामना सन्देश ब्यक्त गर्दै निर्माता संघका अध्यक्ष राजकुमार राई, सास्कृतिक संस्थानका महाप्रबन्धक एंव लोकतान्त्रीक चलचित्रकर्मी संघका संयोजक नरेश पौडेल, चलचित्र संघका महासचिब प्रदिप उदय, अग्रज चलचित्रकर्मी युवराज लामा, चलचित्र पत्रकार संघका अध्यक्ष बिदुर गिरी, निर्देशक समाजका कार्यबहाक अध्यक्ष बिमल पौडेल, निर्माता रमेश जंग रायमाझि लगायतका चलचित्रकर्मीहरुले फिल्मीखबर डटकमलाई सफलताको शुभकामना दिए ।

उल्लेख्य चलचित्रकर्मीहरुको उपस्थितिमा सम्पन्न समाहरोहको अध्यक्षता गर्दै फिल्मीखबर डटकमका प्रधान सम्पादक सुमन गैरेले आजसम्मको यात्रामा साथ दिने सम्पुर्ण पाठक, चलचित्रकर्मी, बिज्ञापनदाताहरू प्रति आभार ब्यक्त गरे । साथै उनले फिल्मीखबर डटकम छिट्टै नै अंग्रेजी भाषामा पनि आउने बताउँदै आगामी फाल्गुन महिनामा फिल्मीखबर अवार्ड पनि गर्ने घोषणा गरे । उनले भने, 'चलचित्र पत्रकारहरूका लागी पाँच बिधामा मिडिया अवार्ड र चलचित्रकर्मीहरूका लागी १५ बिधामा अवार्ड बितरण गर्ने छौं ।' निर्देशक तथा सञ्चारकर्मी सुरेश दर्पण पोखरेलले सञ्चालन गरेको सो कार्यक्रममा फिल्मीखबर डटकमका प्रधान सम्पादक सुमन गैरेको जन्मदिन पनि परेको हुनाले सबैले उनलाई बधाई तथा शुभकामना व्यक्त गरेका थिए ।

फिल्मीखबर मिडिया प्रालिले आयोजना गरेको सो कार्यक्रम सफल पार्न सहयोग पुर्‍याउने महानुभावहरू प्रति धन्यवाद दिँदै सम्मान समेत गरिएको थियो । सहयोग पुर्‍याउने महानुभावहरूमा देबु श्रेष्ठ (थ्री ब्रदर्स क्रियशन), राजकुमार राई, प्रदिप उदय, रमेशजंग रायमाझी, बिकाश आचार्य, मुकेश ढकाल, ध्रुव न्यौपाने, प्रज्ञा जोशी, सुनिल कुमार थापा, शुसिल पोखरेल, शिबम् अधिकारी, बिनोद अधिकारी, आकाश अधिकारी, शान्ति प्रिय, सुरेशदर्पण पोखरेल, बिके घिमिरे, रेखा थापा, प्राशान्त तामाङ, गोबिन्द शाही, चलचित्र दुलही युनिट, निर्मल शर्मा लगायतका रहेका छन् ।