फिल्मीखबर डटकमले आफ्नो दोस्रो बार्षिक उत्सव समाहरोह एक भब्य कार्यक्रमको आयोजना गरी मनाएको छ । उक्त कार्यक्रममा नायिका रेखा थापा र नायक तथा गायक प्रशान्त तामाङले फिल्मीखबरको जन्मदिनको केक काटे । फिल्मीखबरको लोगो अंकीत केक काटेपछि प्रशान्त तामाङ र रेखा दुबैले आफुहरुले नै फिल्मीखबरको जन्मदिनको केक काट्न पाएकोमा खुशि लागेको बताए ।
तेस्रो इण्डीयन आइडल प्रशान्त तामाङ गत वर्षका सफल नायक र नायिका रेखा थापा पनि गत वर्षकी सफल नायिका भएका कारण यि दुबैले संयुक्त रुपमा केक काट्का हुन । उक्त कार्यक्रममा फिल्मीखबरलाई सफलताको शुभकामना दिदै नायक प्रशान्त तामाङले यस फिल्मीखबरले नेपाली चलचित्र क्षेत्रमा योगदान पुर्याउनेमा बिश्वस्त भएको बताए । फिल्मीखबर डटकमको माध्यमबाट नेपाली चलचित्रको बारेमा सम्पुर्ण जानकारी पाईने भएकाले आगामी दिनमा आफूले पनि यो निरन्तर पढ्ने बताए ।
यस्तै नायिका रेखा थापाले फिल्मीखबरको नियमित पाठक भएको बताउदै फिल्मीखबर नपढे सम्म निन्द्रा नलाग्ने बताईन् । उनले भनिन्, 'बिहान उठ्ने बित्तिकै र राति सुत्ने बेला त म फिल्मीखबर नहेरी बस्नै सक्दिन ।' केही समय अगाढी आफु कंगारुको देश अष्ट्रेलिया रहदाको स्मरण गर्दै भनिन्, 'मैले फेसबुकमा बिधिवा लेखेछु । यहाँ फिल्मीखबरले समाचार प्रकाशन गरेछ । मलाई समाचार प्रकाशित भएको केहि बेरमा नै धेरै प्रतिक्रियाहरू आए । भुलबस लेख्न पुगीएको त्यो शब्द मैले एक घण्टामै चेन्ज गरे ।' उनले आफु त्यहा रहदा त्यहा भएका नेपालीहरुले मलाई फिल्मीखबर डटकमबाट नै नेपाली चलचित्रको बारेमा थाहा पाउने गरेको समेत उल्लेख गरीन ।
कार्यक्रममा प्रमुख आर्कषण बनेका नायक तथा गायक प्रशान्त तामाङ र नायिका रेखा थापा जस्तै अन्य चलचित्रकर्मीहरुले पनि आफु फिल्मीखबरको नियमित पाठक भएको बताएका थिए ।
