आज भोली चलचित्रको कथालाई भन्दा पनि प्रस्तुतिमा जोड दिएर चलचित्र निर्माण भैरहेको अवस्थामा चलचित्र 'तिम्रो लागी' भने कथावस्तुमा जोड दिएर निर्माण गरिएकोनिर्माता अरुणकुमार खड्काले बताएका छन् । कथावस्तुलाई मुख्य जोड दिएर निर्माण गरिएको यस चलचित्रले पारिवारीक तथा सामाजिक विषयवस्तु बोकेको उनको भनाई छ ।
हाल उपत्यकाको विभिन्न स्थानमा अन्तिम चरणको छायाँकन भै रहेको यस चलचित्रको हाल गीत तथा द्वन्द्वका दृष्यहरु छायाँकन भइरहेको छ । हंग्री आइज फिल्मस् प्रालिको ब्यानरमा निर्माण भएको चलचित्र तिम्रो लागीमा सुमन सिंह, कुशल थापा, सुमिना घिमिरे, दिपेश्वर गौतम, गणेश उप्रेती, तृप्ती नाड्कर, शुशील पोखरेल, शुरवीर पण्डित लगायतका कलाकारको मुख्य अभिनय रहेको छ ।
यस चलचित्रको निर्देशन एनआर घिमिरेले गरिरहेका छन् । निर्देशक स्वयंको लेखन रहेको चलचित्र तिम्रो लागीमा देवेन्द्र हुरहुरको छायाँकन, सन्तोष प्रगाढको संगीत, बब्बु थापाको नृत्य, रोशन श्रेष्ठको द्वन्द्व निर्देशन रहेको छ । भदौको दोस्रो साता सम्ममा चलचित्र प्रदर्शन गर्ने योजनाका साथ धमाधम कार्य भइरहेको जनाइएको छ ।
