नायकहरुले लाख लाख रुपैया लिएर चलचित्रमा अभिनय गर्दछन् तर नायिकाहरुको पारिश्रमिकका मामलामा भने सधै अन्यौलको स्थिति देखिने गरेको छ । नायिकाहरुको पनि पारीश्रमिक तय हुनु पर्यो भनेर पटक पटक कुराहरु उठ्ने गरेका छन् भने केही नायिकाहरुले निश्चित पारिश्रमिक तोकेर त्यो भन्दा कममा काम नगर्ने गरेको बताएका छन् । अझ नब नायिकाहरुको पारिश्रमिकको मामलामा त झनै अन्यौलको वाताबर ण छ ।
अन्यौलकै वाताबरणको बिचमा नायिका नीता ढुंगानाले भने आफ्नो आपसी समझदारिमा कायम हुने बताएकी छन् । चलचित्रमा कस्तो भुमिका छ त्यो हेरेर पनि चलचित्रको पारिश्रमिकको सम्झौता हुने भन्दै उनले आफ्नो करियरलाई सपोर्ट गर्ने खालको भुमिका छ भने केही कम पारिश्रमिकमा पनि अभिनय गर्न सकिने बताएकी छन् । आधा दर्जन भन्दा बढी चलचित्रमा अभिनय गरिसकेकी नीताको अहिलेसम्म एउटा मात्र चलचित्र म बिर्सुं कसरी प्रदर्शन भएको छ । तै पनि उनको ब्यस्तता कायमै छ ।
तिमीले दिएको माया, नेपाल एक्सप्रेस, किसान, बोश, चाडै आउ है, हाम्रो माया जुनी जुनीलाई लगायतका चलचित्र प्रदर्शनको क्रममा छन् । यि सबै चलचित्रमा आपसी समझदारीमा नै पारिश्रमिक लिएको बताउने नीताले अहिलेसम्म एक लाख बिस हजार भन्दा कम पारिश्रमिक नलिएको दाबी गरेकी छन् । चलचित्रमा अभिनय र राम्रो पारिश्रमिक पाउन काम भन्दा पनि कुनै न कुनै तवरले निर्माता निर्देशकलाई रिजाउन सक्यो भने धमाधम चलचित्र र राम्रो पारिश्रमिक पाइने हल्ला सुनेकी उनले आफुले चाहीँ चलचित्रमै काम गरेर निर्माता निर्देशकको मन जीत्ने गरेको बताएकी छन् ।
नीताले आत्म बेचेर काम गर्नुको अर्थ नरहने भन्दै आज सम्म काम गरेका चलचित्रमा आत्मसम्मान नगुमाएको बताएकी छन् । पछिल्लो समय मन नलागी नलागी चलचित्र हाम्रो माया जुनि जुनीलाईमा किस सिन दिएको बताउदै आएकी निताले कथाले मागकोले आफुले अभिनय गर्न बाध्य भएको बताएकी छन् । कलाकारिताको दृष्टिले हेर्दा जस्तो अभिनय गर्न पनि तयार हुनुपर्दछ भन्दै उनले भल्गर सिन भने नदिने बताएकी छन् ।
