'करोडपति', 'सुपरस्टार', 'नेपाली बावु', 'म तिमीबिना मरिहाल्छु' जस्ता सफल चलचित्र निर्माण गरेका सदावहार नायक भुवन केसीको पछिल्लो चलचित्र 'साथी म तिम्रो' प्रदर्शनको क्रममा रहेको छ । प्राबिधिक काम सकेर प्रदर्शनको तयारी भईरहेको बेला नायक केसीले चलचित्रका दुई गीत फिल्मीखबर डटकमबाट सार्वजनिक गरेका छन् ।
अबको केहि महिना भित्रमा सार्वजनिक गर्ने तयारीमा रहेका केसीले चलचित्रको प्रचारप्रसार शुरू गर्दै गीत सार्वजनिक गरेका हुन् । सार्वजनिक गरिएका दुई गीत 'इन्द्रेणी रंग...' र 'सेती खोला...' मा शम्भुजित बाँस्कोटाको संगीत रहेको छ । भने ति दुबै गीतमा उदित नारायण झा र अञ्जु पन्तको स्वर रहेको छ । 'इन्द्रेणी रंग...' बोलको गीतका रचनाकार प्रमोद ढुंगाना हुन् भने 'सेती खोला...' बोलको गीतका रचनाकार उन्नती बोहोरा 'शिला' हुन् ।
काजल फिल्म्सको प्रस्तुती रहेको चलचित्र 'साथी म तिम्रो' लाई अमेरिकामा रेड कार्पेट प्रिमियर गर्ने तयारी गरिरहेका नायक केसीले अन्य देशमा पनि कसैले प्रदर्शन गर्न चाहेमा फिल्मीखबर डटकम या काजल फिल्म्सलाई सम्पर्क गर्न नायक केसीले आग्रह गरेका छन् । पछिल्ला चलचित्रहरू भन्दा राम्रो र नितान्त फरक कथाबस्तुमा चलचित्र निर्माण गरेको बताउने केसीले बिदेशमा रहनुहुने नेपालीहरूलाई यो चलचित्रले मन छुने बताए । त्यसैले पनि आफूले यो चलचित्र शुरूमा बिदेशमा प्रदर्शन गर्ने योजना बनाएको भुवनको भनाई छ ।
बाबु र छोरा बिचको सम्बन्धलाई मुख्य कथाबस्तु बनाएर निर्माण गरिएको चलचित्र 'साथी म तिम्रो' मा नायक केसीको छोरा बनेर संगीतकार चेतन सापकोटाका छोरा शिर्षक सापकोटाले अभिनय गरेका छन् । यि दुई कलाकारको साथमा भुवनका आफ्नै छोरा अनमोल केसी, रेखा थापा, ऋचा घिमिरे लगायतले पनि अभिनय गरेका छन् । शिब रेग्मीले निर्देशन गरेको सो चलचित्रमा राजेन्द्र खड्गीको द्वन्द, कविराजकविराज गहतराजको नृत्य तथा शम्भु सापकोटाको छायाँकन रहेको छ ।
For download click here
बिदेशमा चलचित्र प्रदर्शन गर्न चाहनेले निम्न ठेगानामा सम्पर्क गर्न सक्नुहुनेछ ।
Bhuwan KC
Kajal Films Pvt. Ltd.
Sinamangala, Kathmandu.
Ph: 9851024242 0r 9851069620
Email:- [email protected]
OR
Filmykhabar Media Pvt. Ltd.
Kalanki, Kathmandu
Email:- [email protected]
