चलचित्र आफ्नै मनलाई सोधी हेर श्रावणको अन्तिम साताबाट प्रदर्शनमा आउने भएको छ । चलचित्रका निर्देशक रमेश पोखरेलका अनुसार यो चलचित्रको बितरण जिम्मा धौलागिरी र गण्डकिमा मोहन सिंह र बाँकि सबै ठाउँमा सुनिल मानन्धरलाई दिइएको थियो । हाल सुनिल मानन्धरले यो चलचित्र साउनको अन्तिम सातामा प्रदर्शन गर्ने ब्यवस्था मिलाएको निर्देशक पोखरेलले जनाएका छन् ।
आरती इन्टरनेशनल फिल्मस् प्रालिको ब्यानरमा ऋषिराम शर्माले निर्माण गरेको यो चलचित्रको कथा लभ स्टोरी भएको निर्देशक पोखरेलले बताए । उनका अनुसार कथा अनुसारको प्रस्तुतिमा ध्यान दिदै चलचित्रको छायाँकन पोखरा, काठमाडौ लगायतका रमणिय स्थानहरुमा गरीएको छ । निखिल उप्रेती, सुरज आरडी, राज तिमल्सना, शोभिता सिंखडा, जिया केसी लगायतका कलाकारहरुको मुख्य भुमिका रहेको यस चलचित्रमा आफुले सक्दो मेहनत गरेको बताउदै मेहनतको फल राम्रो हुने आशा निर्देशक पोखरेलको छ ।
दोस्रो चलचित्र 'भनिदेउ न माया गर्छु' चल्ने चर्चा चलिरहेकै बेला उनले यो चलचित्र भदौमा चल्ने जानकारी दिदै त्यो भन्दा अघि साउनमै चलचित्र आफ्नै मनलाई सोधी हेर प्रदर्शन गर्न लागीएको जानकारी दिए । रामेश्वर कार्कीले खिचेको यो चलचित्रमा बसन्त सापकोटाको संगीत, शिब बिकको नृत्य र द्धन्द्ध शंकर मर्हजनको रहेको छ ।
