थुप्रै म्युजिक भिडियो निर्देशक प्रशन्न पौडेलले 'स्वर' चलचित्र निर्देशन गरे लगत्तै निकै चर्चामा आए । हुनत उनको चर्चा म्युजिक भिडियो निर्देशनमा पनि नभएको हैन तर पनि नेपाली चलचित्रका दर्शकको नजरमा उनको नाम नौलो नै थियो । 'स्वर' चलचित्रबाट रामै चर्चा पाएर पनि प्रशन्नले लामो समय चलचित्र निर्देशन गरेनन् । तर अब भने उनले चलचित्र निर्देशनलाई निरन्तरता दिने भएका छन् ।
प्रशन्न अहिले 'मेरो बेस्ट फ्रेण्ड' नामक चलचित्रको निर्देशन गर्ने तयारीमा छन् । यसअघि 'बिकज आई लभ यू' को निर्देशन गर्ने भनेर कलाकार समेत फाईनल गरिसकेका प्रशन्नले सो प्रोजेक्टलाई छोडेर 'मेरो बेस्ट फ्रेण्ड' बनाउन लागेका हुन् । आफ्नै होम प्रोडक्सनमा बनाउन लागेको यो चलचित्रबाट नायिका झरना बज्राचार्यलाई कमव्याक गराउन लागेको प्रशन्नले दाबी गरेका छन् । कोही मेरो चलचित्र असफल भएपछि सन्यास लिएकी झरनाको यो चलचित्र कोही मेरो चलचित्र असफल भएपछि सन्यास लिएकी झरनालाई यो चलचित्रले सफलताको पहिलो सिंडी उक्लिन मद्दत पुर्याउने प्रशन्नको दाबी छ ।
दुई जना साथीहरु जो एक अर्कालाई अति चाहन्छन् तर पनि उनिहरुको बिचमा बिवाह नहुन सक्छ भन्ने मान्यतालाई आधार मानेर निर्माण गर्न लागिएको चलचित्र 'मेरो बेस्ट फ्रेण्ड' का साथीहरु एक अर्काका लागि जन्मेको भए पनि कहिल्लै सँगै हुन सक्दैनन् भन्ने कुरा नै चलचित्रको कथाबस्तु भएको निर्देशक पौडेलको भनाई छ । यस चलचित्रमा झरना बज्राचार्यको साथमा रेश मरहठ्ठा र दिवस उप्रेतीले मुख्य भुमिका निर्वाह गर्दैछन् ।
आशाबादी फिल्मस् प्रालीको ब्यानरमा बन्न लागेको यो चलचित्रको छायाँकन भने साउनको अन्तिम साताबाट सुरु हुने भएको छ । काठमाण्डौ आसपासका रमणिय स्थानहरूमा छायाँकन गर्ने भनिएको सो चलचित्रलाई बिदूर पाण्डेले खिच्ने भएका छन् । अच्युत अधिकारीको कथा तथा संवाद रहने उक्त चलचित्रमा हिमाल केसीको द्धन्द्ध रहने छ । संगीतकारमा प्रमोद खरेल फाइनल भईसकेका छन् भने अन्य दुई जना फाईनल हुन बाँकी रहेको निर्देशक पौडेलले जानकारी गराए ।
चलचित्रको प्रोमोको छायाँकन र फोटो शुट भने केहि दिन अगाडी गरिसकिएको छ । र प्रशन्नले चलचित्रको पोस्टर पनि बनाएर सामाजिक सञ्जाल फेसबुमक मार्फत सार्वजनिक गरिसकेका छन् भने प्रोमो अमेरिकामा हुन गईरहेको एएनए कन्भेन्सनमा सार्वजनिक गरिंदै छ ।
