चलचित्र किन मायामा रिलिजका लागी काठमाडौ आएका निर्माता समिर प्रधान र निर्देशक चुन्नीलाल घिमिरे सिक्किम फर्किएका छन् । शुक्रबार दिउँसो १ बजेको फ्लाइटबाट उनिहरु दिल्ली हुँदै सिक्किम प्रस्थान गरेका छन् ।
चलचित्र किन मायामाको रिलिजका लागी असार ५ गते काठमाडौ आएका उनिहरुले यहाँ आएर चलचित्रको प्रसार प्रचारलाई तिब्र बनाएका थिए । बितरक सुनिल मानन्धरको भरमा चलचित्र प्रदर्शनकोको तयारी भै रहँदा उनिहरु काठमाडौ आएर चलचित्रका गीत बिमोचान गर्ने र चलचित्रको प्रिमियर गरेर प्रसार प्रचारलाई तिब्ता दिएका थिए ।
प्रशान्त तामाङ, सुमिना घिमिरे लगायतका कलाकारले अभिनय गरेको यस चलचित्र असार १० गते बाट प्रदर्शनमा आएको हो । तर चलचित्रले सुरुका दिनमा उत्साह प्रद ब्यापार गर्न नसकेको बितरक सुनिल मानन्धरले बताएका छन् । सोचे अनुरुप चलचित्रको ब्यापार हुन नसक्दा निर्माताहरु निराश हुँदै सिक्कीम गएका छन्।
बितरक सुनिल मानन्धरका अनुसार चलचित्र किन मायामा काठमाडौ उपत्यका सहित उपत्यका बाहीरका ज्यादै कम सिनेमा हलहरुमा मात्र प्रदर्शन भएको छ । यो चलचित्रलाई चाडै नै देशभरका चलचित्र हलहरुमा प्रदर्शन गरीने छ । यता सिक्कीम फर्कीएका निर्माता निर्देशकले सिक्कीम र आसपासका क्षेत्रहरुमा प्रदर्शनको तयारी गर्ने बुझिएको छ । चलचित्रले आज सम्म १० लाखको ब्यापार गरेको बितरक मानन्धरको भनाई छ ।
