वान टाईम सिनेमा प्रालिको निर्माणमा बिकाश आचार्यले निर्देशन गरेको पछिल्लो चलचित्र 'म तिम्रो भईसकें' को शिर्ष गीतको भिडियो फिल्मीखबर डटकमले वर्ल्ड प्रिमियर गरेको छ ।
शैलेश आचार्यको शब्द तथा बसन्त सापकोटाको संगीतमा रजिना रिमालले स्वर दिएको सो गीतको नृत्यनिर्देशक कविराज गहतराज हुन् । दोलखाको कालिञ्चोक र सुनसरीको कोशी नदीको बगरमा छायाँकन गरिएको सो गीतमा जीवन लुईटेल र ऋचा सिंह ठकुरीले अभिनय गरेका छन् । दशैंको अवसर पारेर सार्वजनिक गर्न लागिएको सो चलचित्रको प्रचार प्रसारलाई तिब्र गति दिंदै निर्देशक आचार्यले फिल्मीखबर डटकमबाट गीत सार्वजनिक गरेका हुन् । उक्त गीत टिभी फिल्मीले पनि आझ साँझ रिलिज गरेको छ ।
०६७ सालमा बिकाश आचार्य निर्देशित चलचित्र 'नाइ नभन्नु ल' को गीतले सर्वाधिक चर्चा पायो । सो चलचित्रका गीतहरू हरेकका मुखमा झुण्डिएका थिए । अझै पनि सो गीत गरेकको मुखमुखमा मात्र हैन मोबाईलका रिङव्याकटोनमा घन्किरहेको छ । यति मात्र हैन फिल्मीखबरले नै वर्ल्ड प्रिमियर गरेको चलचित्र 'नाइ नभन्नु ल' को दुई गीत अहिले युट्यूबमा सर्वाधिक धेरै हेरिएको गीत हो । जुन गीत अहिले सम्म करिब चार लाख दर्शकले हेरिसकेका छन् ।
जसरी 'नाइ नभन्नु ल' का गीतले चर्चा पाए त्यसैगरी यस चलचित्रका गीतले पनि चर्चा पाउनेमा निर्देशक आचार्य बिश्वस्त छन् । उनी भन्छन्, 'नाइ नभन्नु ल' का गीत भन्दा यस चलचित्रका गीत अज्गै सुमधुर छन् जसले गर्दा यि गीत अझ सफल हुनेमा म बिश्वस्त छु ।'
