अहिले शहरका चोक चोकमा चलचित्र 'सपना' का होर्डिङ बोर्ड देख्न सकिन्छ । प्रदर्शनको मिती नजिकिंदै गर्दा निर्माता बसन्त कुमार श्रेष्ठले आफ्नो चलचित्र 'सपना' को होर्डिङ बोर्डलाई शहरका चोक चोकमा राख्न थालेका हुन् । Coming soon... भनेर राखिएको सो होर्डिङ बोर्ड राख्ने क्रम अझै जारी रहेको निर्माता श्रेष्ठको भनाई छ ।

चलचित्र प्रचार प्रसारको प्रभावकारी माध्यम मानिएको होर्डिङ बोर्ड राख्ने चलन पछिल्लो समयमा निकै फस्टाएको छ । सडकमा हिड्ने क्रममा जो सुकैको पनि आँखा पर्ने हुनाले होर्डिङ बोर्ड प्रभावकारी भएको निर्माताहरूको भनाई छ । त्यसैले पनि निर्माता श्रेष्ठले यसको सदुपयोग गर्न थालेका हुन् । उनका अनुसार 'सपना' को होर्डिङ बोर्ड शहरमा मुख्य चोकमा राख्ने क्रम जारी छ ।

हरि बरालसँग मिलेर बसन्त कुमार श्रेष्ठले निर्माण गरेको चलचित्र 'सपना' लाई प्रदिप श्रेष्ठले निर्देशन गरेका हुन् । प्रम कथामा आधारित रहेर निर्माण गरिएको सो चलचित्रमा राजेश हमाल, आर्यन सिक्देल, नन्दिता केसी, अर्जुन कार्की लगायतको अभिनय रहेको छ । चलचित्रको शिर्ष भुमिकामा नायिका केसीले अभिनय गरेकी छिन् । महेश खड्काको संगीत रहेको चलचित्र सपनाका गितहरु अहिले चर्चामा छन् ।