प्रदर्शन हुन तीन बाँकी रहँदा चलचित्र 'के यो माया हो' ले आज शुक्रबार एक बिशेष जमघटको आयोजना गर्यो । सञ्चारकर्मी तथा चलचितकर्मीहरूको बाक्लो उपस्थिती रहेको सो जमघट कार्यक्रममा चलचित्रको पोस्टर, वेबसाईट तथा गीतसंगित सार्वजनिक गरियो ।
आगामी श्रावण २० गते सार्वजनिक हुन लागेको सो चलचित्रको पोस्टर नायकद्वय आर्यन सिक्देल र सौगात मल्लले सार्वजनिक गरे भने वेभसाईट नायिका शुष्मा कार्कीले गरिन् । यता चलचित्रको अडियो निर्माता संघका अध्यक्ष राज कुमार राई, सांस्कृतिक संघका महाप्रबन्धक नरेश पौड्याल, चलचित्रका निर्माता सुरेश पहारी, निर्देशक सुदर्शन थापा, गीतकार भेपेन्द्रभुपेन्द खड्का लगायतले बिमोचन गरेका थिए भने गीत र प्रोमो बितरकद्वय सुनिल मानन्धर र मनोज राठीले सार्वजनिक गरे ।
कार्यक्रममा बोल्दै निर्देशक थापाले चलचित्र राम्रो बनेको दाबी गर्दै सञ्चारकर्मीहरूलाई दर्शक माझ राम्रो सन्देश पुर्याईदिन आग्रह गरे । त्यसै चलचित्रका निर्माताद्वय सुरेश पहारी र गौरव हिराचनले पनि आफ्नो चलचित्र हरेक पक्षबाट राम्रो बनेको दाबी गरे । एसजिएस इन्टरटेन्मेन्टको व्यानरमा निर्माण गरिएको सो चलचित्रमा आर्यन सिक्देल, सुष्मा कार्की, अरूणिमा लम्साल र सौगात मल्लको मुख्य अभिनय रहेको छ। चलचित्रलाई पोखरेली निर्मातात्रय सुरेश पहारी, शंकर गुरूङ र गौरभ हिराचनले निर्माण गरेका हुन्।
