मेगन फोक्स र प्रिति जिन्टा दुई सेलिब्रेटीलाई देख्दा यौन चाहना बढेको अनुभूति हुने बताउने नायक जीवन लुईंटेलले नेपाली सेलिब्रेटी मध्ये आफुलाई नायिका रेखा थापा, निशा अधिकारी र स्नेहा राणा सेक्सी लाग्ने गरेको बताएका छन् । सेक्सको सुरुवात चुम्बनबाटै हुने भएकाले आफुलाई सेक्स भन्दा चुम्बन मिठो लाग्ने उनको भनाई छ ।
साप्ताहिक पत्रिकासँग आफ्ना भित्री रहस्यहरु खोल्दै जीवनले आफ्नो मासिक खर्च १५ देखि २० हजार सम्म हुने बताएका छन् । नेपाली चलचित्रलाई बिदेशमा बजार बिस्तार गर्ने आफ्नो योजना रहेको बताउँदै नायक लुईटेलले चलचित्रमा नआएको भए सरकारी प्रशासन तिर हुने उल्लेख गरेका छन् । त्यसो त साहित्यमा रुचि राख्ने लुईंटेलले कवि अथवा साहित्यकार बन्न सक्ने जनाएका छन् ।
आफै भित्रको अहम संग डराउने जीवनले जीवनमा कहिल्यै बदमासी नगरेको जनाएका छन् । आफ्नो गृहनगर बिराटनगर बारम्बार गईरहन मन लाग्ने जीवनले बिराटनगर पछि भेडेटारको डाडाँमा गएर चिसो बियर पिउन मन लाग्ने गरेको बताएका छन् । सन् २००२ का मिस्टर नेपाल समेत रहेका नायक लुईटेलले मिस्टर नेपाल भएपछि बीएस्सी पढ्न नभ्याएको बताएका छन् । आफु बिज्ञानको बिद्यार्थी भए पनि बीएस्सी पढ्न नभ्याएका कारण बीबीएस पढेको जनाए ।
आफ्ना बाबुआमा, छरछिमेक तथा आफन्तको परराष्ट्र सचिव बनेको देख्ने सपना पूरा गर्न नसकेका जीवनले काठमाण्डौमा घर र टक्सन गाडी किन्न बाँकि रहेको बताएका छन् । पछिल्लो समयमा राम्रो नायकको छबि बनाउँदै गरेका यि ह्याण्डसम नायक लुईटेलको घर र गाडी किन्ने सपना छिट्टै पूरा होस् । फिल्मीखबर डटकमको शुभकामना !
