निर्माता रामप्रसाद रिजालले नायिकाको खोजी गरेका छन् । तर उनले खोजी गरेकी नायिकाको योग्यता भने अन्य निर्माता निर्देशकले खोज्ने नायिकाको भन्दा धेरै नै फरक छ । नाच्न जान्ने, अभिनय गर्न सक्ने, अनि हेर्दा राम्रो लाग्ने युवती हैन उनको नायिका बन्नको लागी त पढे लेखेकी, हरेक सुख दु:खमा साथ दिन सक्ने, आफु र आफ्नो पेशालाई बुझ्ने, अनि केही गरेर संसार जित्छु भन्ने आँट भएकी लगायतका योग्यताहरु हुनु पर्नेछ ।
अचम्म नायिकाले पनि आफ्नो हरेक सुख दु:ख बुझ्नु पर्ने । उनि भन्छन्, 'मैले चलचित्रका लागी हैन आफ्नै जीवनका लागी नायिका खोजी रहेको छु ।' आफ्नो चलचित्र सफल नभए बिवाह नै नगर्ने बताएका निर्माता रामप्रसाद रिजालले चलचित्रले सन्तोष जनक व्यापार गरेपछि मंसिरमा बिवाह गर्ने बताएका छन् । आफ्नो भए भरको सम्पत्ति खर्च गरेर चलचित्र कसमको निर्माण गरेको बताउदै उनले चलचित्रले असफल ब्यापार गरेमा श्रीमती पाल्ने पैसा नहुने भन्दै बिहे नगर्ने बताएका थिए । रिजाल एण्ड रिजाल फिल्मस्को ब्यानरमा बनेको चलचित्र 'कसम' ले सन्तोष जनक व्यापार गरेपछि अहिले कन्याको खोजी भै रहेको उनले जनाएका छन् । आफुलाई सुहाउने कन्या भेटेमा यहि मंसीरमा लगन गाँठो कस्ने बताउदै रिजालले अहिले सम्म त्यस्तो नायिका नभेटेको जनाए ।
यता चलचित्रको ग्लोबल मार्केटिङ्गको कुरा उठिरहेका बेला रिजालले चलचित्रको बजार बिस्तार गर्ने भन्दै आफ्नो चलचित्र 'कसम' साउनको २९ र ३० गते भारतका बिभिन्न १२ वटा स्टेशनहरुमा रिलिज हुने बताएका छन् । त्यसको चाजो पाँजो मिलाउन निर्देशक भाई लक्षमण रिजाल एक महिना देखि मुम्बईमा रहेको उनले बताए । अब चलचित्रलाई नेपालमा मात्र सिमित गर्नु हुदैन यसलाई बिश्ब बजारमा पुर्याउनु पर्दछ भन्दै उनले मुम्बई बसाईको क्रममा युरोपका लागि पनि चलचित्र रिलिजको चाजो पाँजो मिलाएको बताएका छन् । रिजालले भारत पछि युरोपका बिभिन्न स्थानहरुमा चलचित्र रिलिज गर्ने जनाएका छन् । चलचित्रमा निखिल उप्रेती, उषा पौडेल, सुमन सिंह, शोभिता सिंखडा लगानयतका कलाकारहरुले अभिनय गरेका छन् ।
