चलचित्र 'चेलीवेटी, 'कही मिलन कही बिछोड', 'अल्पविराम', 'पहिलो पहिलो माया' जस्ता चलचित्र बनाइसकेका पाका निर्माता तथा चलचित्र संघका महासचिव प्रदिप उदयले पछिल्लो समयमा ' मालतीको भट्टी' र हाम्रो माया जुनी जुनीलाई' को निर्माण गरेका छन् । यही दशै र तिहारमा गरेर दुवै चलचित्र रिलिज गर्न तयारी गरेका यी निर्माता आफ्ना दुई चलचित्र ' मालतीको भट्टी' र हाम्रो माया जुनी जुनीलाई' सफल हुनेमा आशावादी छन् ।
रेखा थापा, जीवन लुईटेल, नन्दिता केसी अभिनित चलचित्र मालतीको भट्टी यही दशैको अवसरका रिलिज हुँदैछ भने श्रीकृष्ण श्रेष्ठ, रेखा थापा, मुकेश ढकाल, नीता ढुंगाना, सुनिल थापा लगायत अभिनित चलचित्र 'हाम्रो माया जुनी जुनीलाई' तिहारको अवसरमा रिलिज हुंदैछ । यि दुई चलचित्रको रिलिजसँगै उदयले थप दुई चलचित्र निर्माण गर्ने भएका छन् । हाल स्क्रिप्टको काम भईरहेको बताउँदै उदयले निर्देशकमा दिनेश डिसी र नवल नेपाललाई लिएको बताए ।
आगामी प्रोजेक्ट प्रेम कथामा आधारित रहने जानकारी दिंदै निर्माता उदयले यस बर्ष भित्र तीन चलचित्र जुनकुनै हालतमा रिलिज गर्ने समेत बताएका छन् । उनी भन्छन्, 'तिहार सकिए लगत्तै सुटिङ थाल्छु त यस बर्षको अन्त्य तिर रिलिज गर्छु ।' अर्को बर्ष चारवटा चलचित्र निर्माण गर्ने योजना भएको बताउँदै निर्माता उदयले आफ्नै कम्पनी ब्रदर्श इन्टरटेन्मेन्टका लागि र भाडामा समेत दिने गरि क्यामेरा र चलचित्र सम्बन्धित सामाग्रीहरू ल्याउने समेत बताएका छन् ।
