कैलालीको धनगढीमा संचालनमा रहेको चन्दन टाकिजले नेपाल चलचित्र पत्रकार संघ सुदूरपश्चिम क्षेत्रीय समिति धनगढीलाई सहयोग गरेको छ । सो फिल्म हलमा प्रदर्शन हुने प्रत्येक चलचित्र बापत प्रति चलचित्र पाँच सय रुपैया सहयोग सुरु गरेको हो ।
नयाँ रिलिज भएका प्रत्येक चलचित्र बापत ५ सय सहयोग सुरु गरेको टाकिजका व्यवस्थापक बब्लु अहमदले जानकारी दिए । व्यवस्थापक अहमदले चलचित्र पत्रकार संघलाई भईपरि आउने विभिन्न कार्यक्रम तथा कामका लागि सजिलो होस भनेर सहयोग सुरु गरेको जानकारी दिए । यसैबीच नेपाल चलचित्र पत्रकार संघ सुदूरपश्चिम क्षेत्रीय समितिको शुक्रबार धनगढीमा अध्यक्ष भवानी रेग्मीको अध्यक्षतामा बसेको बैठकले चन्दन टाकिजले सुरु गरेको सहयोगलाई स्वागत सहित धन्यवाद ज्ञापन गरेको छ ।
बैठकले आगामी साउन २५ गते सुदुरपश्चिमका सबै हल संञ्चालकहरुको भेला गर्राई सुदूरपश्चिको फिल्म हल र त्यसका बिकास बिषयक अन्तरक्रिया गर्ने निर्णय गरेको नेपाल चलचित्र पत्रकार संघ सुदूरपश्चिम क्षेत्रीय समितिका महासचिव श्रवण देउवाले जानकारी दिए ।
