भन्छन् छोरीको समस्यालाई छोरी जातिले मात्र बुझ्न सक्छ । छोरी चेली जे भनेर पुकारे पनि लक्ष्मीको उपनामले चिनिए पनि त्यहि छोरी जो बिना पुरुषको जीवन अपुरो छ ।
गजबको कुरा त के भने नेपाली चलचित्रका प्राय नायिकाहरुले लक्ष्मीकै रुपमा पुकारीने छोरीलाई जन्म दिएका छन् आफ्नो पहिलो सन्तानको रुपमा । नायिका करिष्मा मानन्धर जो नेपाली चलचित्रकी सफल नायिका हुन् । सुन्दरताको मात्र हैन बौद्विकताको प्रशंसा पनि धेरै नै हुन्छ करिष्माको । यि नायिकाले पनि आफ्नो पहिलो सन्तानका रुपमा छोरीलाई नै जन्म दिएकी छिन् । बिचमा केही वर्ष अमेरीका बसेर नेपाल आएकी करिष्माले त्यति बेला नै भनेकी थिइन् की आफुलाई छोरी कबिताको भविश्यको चिन्ता छ । यसले पनि करिष्मा सन्तानको भविश्य प्रति सजग रहेको पाइन्छ ।
अहिलेका ब्यस्त नायिकाहरुको सुचिमा पर्ने झरना थापा पनि करिष्मा भन्दा फरक छैनन् यस मानेमा । उनले पनि पहिलो सन्तानको रुपमा छोरी सुहानालाई जन्म दिइन् । हुन त छोरा वा छोरी जन्मने भन्ने कुरामा महिलाको भन्दा पनि पुरुषको भुमिका रहने गर्दछ । तर नायिकाले १० महिना कोखमा राखेर हुर्काउने हुँदा हामीले उनिहरुका सन्तान भनेर चित्रण गरेका हौं । 
पहिलो सन्तानको रुपमा छोरीलाई नै जन्म दिने अर्की नायिका हुन् मेलिना मानन्धर । उनले पनि आफ्नो पहिलो सन्तानको रुपमा छोरी मेरिस्कालाई यो धर्तीसँग सात्क्षात्कार गराएकी छिन् । त्यसो त नायिका बिना बुढाथोकीले पनि पहिलो सन्तानको रुपमा सामना बुढाथोकीलाई जन्माएकी हुन् भने नायिका पुजा चन्दले पनि पहिलो सन्तान छोरी नै जन्माएकी छिन् ।
यि त जन्माउनेहरुको कुरा भयो । अब सन्तान पहिलो जन्माउन लागेका नायिकाहरुको कुरा गरौ । नायिका अरुणिमा लम्साल यति बेला गर्भवती छन् । मंसिरमा आमा बन्ने बताउदै आएकी यि नायिकाले आफ्नो गर्भमा छोरी भएको बताएकी छन् । यदि उनले भने झै पहिलो सन्तान छोरी जन्माएमा अरुणिमा पनि यहि सुचिमा सुचिकृत हुनेछिन । यसरी नायिका आमाले पहिलो सन्तानको रुपमा जन्माएका यि छोरीहरु भोली गएर नायिका हुन्छन् की हुदैनन् त्यो त समयले नै बताउला ।
