पाए जन्त नपाए अन्त भन्ने नेपाली उखान त सुन्नु नै भएको होला । हो यही उखानलाई सिरोधार्य गर्ने गर्दछन् चलचित्रकर्मीहरु । कहीले काहिं त जन्त जाँदा पनि फलदायी नै हुने गर्दछ । नेपाली चलचित्रमा स्थापित हुन जे जे गर्न सकिन्छ सबै गर्र्यो नसके पछि मुम्बई हानियो । केही सिक्ने बहाना अनि मन भरी त्यहिको चलचित्र उद्योगमा काम गर्ने चाहना । सबैका सबै चाहना कहाँ पुरा हुन्छन् र ? कतिका चाहना त रहर मै सिमित भएको पनि पाइएको छ ।
धेरै चलचित्रकर्मीहरु मुम्बईलाई आफ्नो जीन्दगीको टर्निङ प्वाईन्ट मान्ने गर्दछन् । कति चलचित्रकर्मीहरु नेपालमा काम पाउन छाडेपछि मुम्बई जान्छन् त कति चलचित्रकर्मीहरु नेपालमा बस्न नसकने हर्कतका कारण मुम्बई जान्छन् । कति नेपालमा भबिष्य नदेखेर मुम्बई पलायन हुन्छन् । नायिका निरुता सिंह नेपालमा काम पाउन छाडे पछि इन्टेरियर डिजाइनको कोर्ष गर्न मुम्बई गइन् । नेपालमा चलचित्र पाउन छोडे पछि उनि पढ्ने बहानामा त्यहाँको चलचित्रमा काम खोज्नैमा ब्यस्त भएके हल्ला आए यहाँ । तर उनले त्यहाँ काम पाइनन् । 
नायक निखिल उप्रेती र नायिका सञ्चिता लुइटेल पनि केही समय अगाडी मुम्बई गए । यिनिहरु मुम्बई रहँदा त्यहाँको चलचित्र उद्योगमा काम पाउने प्रयास नगरेको कहाँ हो र ? तर काम पाएनन् । सञ्चिताले पेट पाल्न केही समय बुटिकमा काम गरिन् भने निखिलले काम खोजी नै रहे तर पाएनन् । एउटा धनलक्ष्मी यन्त्रको बिज्ञापनमा त खेले अहिले त्यहि बिज्ञापनका कारण प्रहरीमा उनि बिरुद्ध उजुरी परे पछि उनि नेपाल बस्न नसकी फेरी मुम्बई गएका छन् । नायिका सञ्चिता पनि काम पाउने तरखरमा थिईन् तर गर्भवती भएपछि नेपाल फर्किन बाध्य भईन् ।
मुम्बई गएर संघर्ष गर्ने कलाकारमा नायिका उषा पौडेल भने लक्की सावित भएकी छन् । उनले आफ्नो मुम्बई यात्रालाई सार्थक बनाउन सफल भएकी छन् । अभिनय सिक्न भन्दै केही समय देखि मुम्बईमा बस्दै आएकी यि नायिका अब सोनी टेलिभिजनमा देखिने भएकी छन् । त्यहाँ रहँदा धनलक्ष्मी यन्त्रको बिज्ञापनमा खेले बापत प्रहरीमा उजुरी परेकी यि नायिकाको संयोग नै हुनु पर्दछ । किनकी उनले अदालत नामकै टेलिफिल्ममा अभिनय गर्दैछिन् । कोर्ट रुम ड्रामाको श्रेणीमा राखिएको यो सिरियलमा उषा गएको शुक्रबार र शनिबार देखिएकी थिइन् । एक स्रोतले उल्लेख गरे अनुसार उषाको उक्त अभिनय राम्रो भएका कारण दोहोरीने सम्भावना रहेको छ ।
अभिनय सिक्न भनेर मुम्बई हानिएकी उषा अब नेपाल फर्कन्छिन् या फर्किन्नन् त्यो त समयले नै बताउँछ । अहिले भने उषालाई नयाँ काम पाएकोमा हार्दिक बधाई र प्रगतीको शुभकामना !
