नायक आर्यन सिग्देलले आज आफ्नो जन्म दिन मनाइ रहेका छन् । आफ्नो उमेर लुकाउन चाहेका आर्यनले चलचित्र मेरो लभ स्टोरी' को डबिङ गरेर आफ्नो जन्म दिन मनाइरहेका छन् ।
थानकोटमा जन्मिएर हाल लाजिम्पाटमा बसोबास गर्दै आएका आर्यन पछिल्लो केही वर्ष यता नेपाली चलचित्र क्षेत्रमा छन् । रेखा थापाको किस्मत
चलचित्रबाट अभिनय यात्रा प्रारम्भ गरेका आर्यन 'मेरो एउटा साथी छ' नामको चलचित्रबाट चर्चामा आएका हुन् । थुप्रै राम्रा चलचित्र दिईसकेका आर्यनको संयोगनै मान्नु पर्दछ कि आज उनले अभिनय गरेको बहुप्रतिक्षित चलचित्र 'के यो माया हो' रिलिज भएको छ । आर्यनलाई शुभकामना दिन चाहने र गिफ्ट दिन चाहनेले उनको चलचित्र हेरिदिए पुग्छ । किनकी आर्यन स्वयंले नै चलचित्र के यो माया हो हेरिदिए त्यो नै आफ्नो गिफ्ट र माया सम्झने बताएका छन् ।
छोटो समयमा नै चर्चा पाएका आर्यन अहिले महंगा नायक मात्र हैन फ्यान पनि राम्रै पाएका नायक हुन् । जन्मदिन सेलिब्रेट गर्नका लागी उनले के योजना बनाएका छन्? आर्यन भन्छन्, आज डबिङ र सुटिङमा नै व्यस्त हुन्छु ।' हो आर्यनको आजको दिनचर्या चलचित्र 'मेरो लभ स्टोरी' को डबिङ र 'आइ एक सरी' को सुटिङमा नै बित्ने भएको छ । आफ्नो कति औं जन्मदिन हो भनेर नखुलाए पनि आर्यनलाई फिल्मीखबर डटकमको तर्फबाट जन्मदिनको शुभकामना !
यसैगरी आजकै दिन नेपाल चलचित्र विकास बोर्डका अध्यक्ष गणेश भण्डारीको पनि जन्मदिन परेको छ । आफ्नो ३० औं जन्मदिन मनाईरहेका अध्यक्ष भण्डारी चलचित्र क्षेत्रका सक्रिय व्यक्ति मानिन्छन् । अहिले बोर्डका कर्मचारीसँग जन्मदिन सेलिब्रेट गरिरहेका भण्डारीले बेलुका परिवारसँग जन्मदिन मनाउने बताए । अध्यक्ष भण्डारीलाई पनि फिल्मीखबर डटकमको तर्फबाट जन्मदिनको शुभकामना !
