नायककै भरमा चलचित्र चल्छ भन्ने मान्यता बोकेका चलचित्रकर्मीहरुले नायकका लागी लगानी गर्न हिचकिचाउँदैनन् । त्यसो त धेरै मपाईं भएर पो होकि अधिकाँश नायकहरुले आफुलाई समय अनुसार परिवर्तन गर्न सकेको पाइदैन । त्यसैले पनि अहिले बिस्तारै पुराना नायकहरु हराउँदै छन् भने नयाँ अनुहार स्थापित हुँदैछन् ।
केही समय अघि सम्म नेपाली चलचित्रमा नायकको पगरी गुथेकाहरुको त अहिले यो क्षेत्रमा नाम सुन्न पनि मुस्किल छ । त्यस बेलाका बिश्व बस्नेत जसको आगमन नेपाली चलचित्रमा फेसन र स्टाइलका हिसाबले पनि विशेष रह्यो । शिव श्रेष्ठ, भुवन केसी, सरोज खनाल, उत्तम प्रधान, रमेश उप्रेती, धिरेन शाक्य, रमित ढुङ्गाना, दिलिप रायमाझि, श्रीकृष्ठ श्रेष्ठ, निखिल उप्रेती, बिराज भट्टको हातमा पनि अहिले कमै चलचित्र छन् त कतिलाई निर्माता निर्देशकले पत्याउन छोडी सेकेका छन् भने कति बिदेश पलायन भएका छन् ।
लामो समय सम्म एकछत्र राज गरिरहेका नायक राजेश हमाल बाहेक सुनिल दत्त पाण्डेले आफुलाई समयमै खलनायक बनाउन जानेकाले उनि पनि टिकिरहेका छन् । हुन त चलचित्र क्षेत्रमा ग्ल्यामर र बैंश चाहिन्छ । बैंश छउन्जेल एकाएक ब्यस्त बनेका कलाकारहरु बिस्तारै उमेर ढल्दै जाँदा कि भूमिका बदल्नु पर्ने कि त चलचित्रबाट नै पलायन हुनु पर्ने बाहेक अर्को बिकल्प देखिएन ।आफूलाई समय अनुसार ढाल्न नसकेपछि पुराना पुस्ताका नायकहरूको विकल्प खोज्न पनि थालिएको हो ।
पाकिस्तानी चलचित्रमा समेत शिवा नामले चर्चित भएका नायक शिब श्रेष्ठ पछिल्लो केही समय चलचित्र बिहिन बने पनि अहिले पुरानो हुदैन माया नामको चलचित्रमा अभिनय गरीरहेका छन् । त्यसो त नायक भुवन केसीले आँफैले चलचित्र निर्माण गरेर अभिनय गरीरहेका छन् । अरुका चलचित्र कम पाए पछि वा पाउन छोडे पछि आफैले चलचित्र निर्माण गरेर भए पनि हिरो बनेका अर्का नायक हुन् श्रीकृष्ण श्रेष्ठ । लामो समय सम्म अमेरीका बसेका सरोज खनालले पनि केही समय अगाडी नेपाल आउँदा चलचित्र मानबमा अभिनय गरे तर उनको चर्चा जति हुनु पर्ने हो त्यति हुन सकेन ।
नायक धिरेन शाक्य चलचित्र पाउन छोडे पछि दोहोरी गीतको म्यूजीक भिडियो खेल्नमा ब्यस्त छन् । तर छिट फुट चलचित्रमा चरित्र भुमिका भने निभाएकै छन् । नायक रमित ढुङ्गाना त अहिले चलचित्र नपाए पनि अमेरीका हानिएका छन् । भने नायक दिलीप रायमाझी आफैले चलचित्र निर्माण गरेका छन् । हुनत उनले छिटफुट चलचित्रमा अभिनय भने गरेकै छन् । पछिल्लो केही वर्ष चलचित्रमा राज गरेका दुई नायक बिराज भट्ट र निखिल उप्रेतीको चाला पनि यस्तै छ । कुनै समय बिराज र निखिलकै भरमा चलचित्र चल्छ भन्ने मान्यता राख्ने चलचित्रकर्मीहरुले अहिले उनिहरुलाई लिन छोडीसकेका छन् । कान्छी श्रीमती च्यापेर मुम्बई गएपछि हराएका निखिल अनि नेपाली छोडेर भोजपुरीमा अभिनय गर्न गएका बिराज दुबै अहिले चलचित्र बिहिन भएका छन् ।
आम दर्शकको रोजाईमा परेका अधिकांश हिरोहरु आफ्नै कारणले चलचित्रबाट पलायन भएको पाइन्छ । कोहीले आफुलाई समय अनुसार परिवर्तन गर्न सकेनन त कोही ले आफ्नो घमण्ड देखाएरै चलचित्रबाट बिदा लिए । यस्ता उदाहरणका अगाडी अहिले आएका नब नायकहरुको भविश्य कस्तो हुन्छ त्यो भने हेर्न बाकि नै छ ।
