निर्माता तथा नायक रोज राणाले पछिल्लो चलचित्र 'म छु नि तिम्रो' भदौ महिनामा सार्वजनिक गर्ने बताएका थिए तर सो समयमा चलचित्र प्रदर्शन नहुने भएको छ । बिबिध प्राबिधिक कारणले गर्दा भदौमा सार्वजनिक गर्न नसकेका राणाले कार्तिकमा भने डेट नै फिक्स गरेका छन् । अब यो चलचित्र कार्तिक ४ गते सार्वजनिक हुने भएको छ ।
नेपालीहरूलो दोस्रो ठूलो पर्व तिहारको अवसर पारेर चलचित्र प्रदर्शन गर्ने तयारी गरेको राणाले बताए । दादागिरी, खलनायक, डन, दोस्ती जस्ता एक्सन प्रधान चलचित्र निर्माण गरेका रोजको यो दोस्रो लभस्टोरी चलचित्र हो । उनले यस अघि 'टक्कर दुई मुटुको' नामक चलचित्र निर्माण गरेका थिए । सोफिया सिने आर्टसको प्रस्तुतीमा निर्माण गरिएको सो चलचित्र मदन घिमिरेले निर्देशन गरेको सो चलचित्रलाई मदन घिमिरेले निर्देशन गरेका हुन् ।
रोज राणा, आयुष रिजाल र सौजन्य सुब्बाको मुख्य भुमिका रहेको चलचित्र 'म छु नि तिम्रो' मा मौनता श्रेष्ठको कथा, चेतन सापकोटा र बसन्त सापकोटाको संगीत, एनबी महर्जनको द्वन्द, कृष्ण श्रेष्ठको छायाँकन तथा कविराजको नृत्य रहेको छ । नेपाली चलचित्र क्षेत्रमा नियमित चलचित्र निर्माण गर्ने निर्माताको रूपमा चिनिएका राणाले अब भने पूर्ण रूपमा एक्सन प्रधान चलचित्र निर्माण गर्ने योजना बनाएका छन् । चलचित्रको नाम 'ग्याङस्टार' भनेर राखिसकेका राणाले निर्माण कार्य छिट्टै शुरू गर्ने बताए ।
