फिल्मीखबर डटकमले शुरू गरेको चलचित्र ब्रेक फेलको क्विज स्तम्भको तेस्रो बिजेता सर्लाही निवासी निश्चल सुवेदी भएका छन् । कुल १९ सय ७१ जनाले सहभागिता जनाएको सो क्विजमा १७ सय ८९ जनाले सहि उत्तर पठाएका थिए । तिनै सहि उत्तर पठाउने मध्येबाट गोला प्रथा गरि सुवेदी बिजेता घोषित भएका हुन् ।
बिजेता सुवेदी भाद्र १५ गते हुन लागेको चलचित्र ब्रेक फेलको प्रिमियरमा सहभागी हुन पाउने छन् । गत साता राखिएको फिल्मीखबरबाट प्रिमियर गरिएको प्रस्तुत गीतको छायाँकन कहाँ गरिएको हो ? भन्ने प्रश्नको सहि उत्तर सुदूर पश्चिम रहेको थियो । भाद्र १६ गते आफ्नो प्रदर्शनको मिती तय गरेको चलचित्र 'ब्रेक फेल' को प्रिमियर गरिएको गीतमा सुदूरपश्चिमका रमणिय दृश्यलाई समेटिएको छ ।
यसैगरी क्विजलाई निरन्तरता दिंदै चौथो क्विज अर्न्तगत चलचित्र ब्रेक फेलका निर्देशक को हुन् ? भन्ने प्रश्न राखिएको छ । जसका विकल्पहरू १. तुलसी घिमिरे २. दिपेन्द्र के खनाल ३. सुदर्शन थापा ४. शंकर घिमिरे रहेका छन् । यस क्विजमा देश बिदेशमा बस्ने हरेक नेपाली सहभागी हुन सक्नेछन् र बिजेता ब्रेक फेलको प्रिमियरमा सहभागी हुन सक्नेछन् ।
