निर्देशक बिमल पौडेलले निर्देशन गरेको चलचित्र 'किसान' प्रदर्शनको क्रममा छ । किसानको कथालाई मुख्य कथाबस्तु बनाएर निर्माण गरिएको सो चलचित्रलाई निर्देशक पौडेलले गाउँ गाउँ पुर्याउने बताएका छन् ।
किसानको घुम्ति अभियानमा लाग्ने भन्दै निर्देशक पौडेलले किसान चलचित्र हरेक किसानले हेर्नुपर्ने भएकाले पनि यस्तो गर्न लागेको बताए । नेपालका पिछडिएका गाउँ गाउँमा आफै उपस्थित भएर चलचित्र प्रदर्शन गर्ने उनको योजना छन् । चलचित्र प्रदर्शनका लागि आँफैले साउन्ड सिस्टम, प्रोजेक्टर समेत लिएर जाने पौडेलले बताए । हरेक नेपालीलाई नेपाली चलचित्र हेर्ने बानि बसाल्न पनि यस्तो गर्न लागेको निर्देशकको भनाई छ । चलचित्रको घुम्ति अभियानको शुरूवात सिन्धुपाल्चोकको चौताराबाट गरिने भएको छ ।
बसन्त कुमार श्रेष्ठ र संजिव प्रधानले निर्माण गरेको सो चलचित्रमा राजेश हमाल, मौसमी मल्ल, नन्दिता केसी, नीता ढुंगाना, बिमल पौडेल, राजेश ढुंगाना, चेतन सापकोटा, निर शाह, राहुल केसी लगायतले अभिनय गरेका छन् । चेतन सापकोटाको संगीत रहेको उक्त चलचित्रमा राजु केसीको छायांकन रहेको छ । चलचित्रको छायांकन चितवनको मंगलपुरमा छायांकन गरिएको हो ।
