नायिका रेखा थापासँग नायकहरुको तालमेल पनि अचम्मकै हुने गर्दछ । खासगरी पछिल्लो समय नायक फेर्ने नायिकाको रुपमा चिनीएकी नायिका हुन रेखा थापा । त्यसो त एउटासँग सम्बन्ध बिग्रिए पछि अर्को नायकलाई काखि च्याप्ने रेखाको बानी नै भैसकेको छ ।
नायक निखिल उप्रेतीसँग रेखाको सम्बन्ध बिग्रिए पछि उनले चलचित्र हिम्मतमा बिराज भट्टलाई अभिनय गराइन् । त्यति बेला एक्सन नायक निखिलको प्रतिस्पर्धि मानिएका बिराजलाई हिम्मतमा अभिनय गराउनुका पछाडी निखिलसँगको इगो नै थियो भन्दा फरक नपार्ला । रेखाको चलचित्र हिम्मतबाट बिराज एकाएक चम्किए । रेखाको सम्बन्ध बिराजसँग पनि दिर्घकालिन हुन सकेन । निखिलसँग जस्तै बिराजसँग रेखाको सम्बन्ध चिसिएको छ अहिले ।
रेखाले चलचित्रमा डेब्यु गराएका नायक हुन् आर्यन सिग्देल । उनिसँग पनि रेखाको सम्बन्ध अहिले राम्रो छैन । चलचित्र किस्मतबाट डेब्यु गरेका आर्यनसँग पनि रेखाको सम्बन्ध लामो समय टिक्न सकेन । अहिले त एक अर्काको खुलेरै आलोचना गर्ने गरेको पाइन्छ यि दुबैले । आर्यनको मेख मार्न उनले आयुष रिजाललाई प्रमोशन गर्न तर्फ लागिन् । चलचित्र हिफाजतमा आयुषलाई डेब्यु गराएकी रेखाले उनको राम्रै प्रसंसा गरिन् । तर अहिले रेखाका फिल्ममा उनलाई पनि देख्न पाइदैन । तै पनि उनिहरुको सम्बन्ध बारे अहिलेसम्म कतै नराम्रो सुन्न पाइएको छैन ।
अहिले त उनका प्रिय नायक बनेका छन् जीवन लुइटेल । त्यसैले जीवनको प्रसंसा गर्न लागेकी छन् रेखा । पछिल्लो समय चलचित्र अन्दाजमा सँगै काम गरेका उनिहरुको जोडी आजसम्म राम्रै छ । त्यसो त रेखाले नायकलाई डेब्यु गराउन छाडेकी छैनन् । उनले चलचित्र अन्दाजमा सबिन श्रेष्ठलाई नायकको रुपमा डेब्यु गराइन् । सायद अब रेखाले प्रमोशन गर्ने नायक हुनेछन् सबिन श्रेष्ठ ।
नायिका रेखा यसरी नायकहरुसँग सम्बन्ध बिग्रनुको कारण कि त रेखालाई नै थाहा होला कि त नायकहरुलाई नै । नेपाली चलचित्रमा जतिबेला निखिल राज गर्थे त्यति बेला उनैसँग, बिराजले राज गर्दा उनैसँग, अनि अहिले आर्यनको चुरीफुरी राम्रो भएका बेला आर्यनसँग उनको सम्बन्ध राम्रो छैन । यसलाई संयोग भनौ वा रेखाको आरिस तपाई आफै बिचार गर्नुहोस ।
