नायिका ऋचा घिमिरेको प्रस्तुतीमा शंकर घिमिरेले निर्देशन गरेको चलचित्र 'ब्रेक फेल' को राजधानीको कुमारी सिनेमा घरमा भव्य प्रिमियर गरिंदै छ । बिहिबार साँझ करिब ५०० चलचित्रकर्मी र पत्रकारको उपस्थितीमा चलचित्रको प्रिमियर गर्न लागिएको हो । ग्रिन कार्पेट प्रिमियरमा नेपाली चलचित्र क्षेत्रका अधिकांश चलचित्रकर्मी र सञ्चारकर्मीलाई निमन्त्रणा गरिएको निर्देशक शंकर घिमिरेले फिल्मीखबर डटकमलाई जानकारी गराए ।
शुरूमा जय नेपाल सिनेमा घरमा चलचित्रको प्रिमियर गर्ने भनिए पनि प्राबिधिक कारणले गर्दा चलचित्रको प्रिमियर कुमारी सिनेमा घरमा गर्न लागिएको हो । प्रिमियरका लागि युनिटले कुमारी सिनेमा घरका दुबै हल बुक गरेको छ । प्रिमियरको कान्तिपुर टेलिभिजनबाट प्रसारित कल कान्तिपुरले एक घण्टा लाईभ पनि गर्दैछ । कान्तिपुरको लाईभ पछि छोटो औपचारिक कार्यक्रम गरेर चलचित्रको प्रिमियर गरिने छ । त्यस पछि चलचित्र निर्माण युनिटले कक्टेल डिनर पार्टीको व्यवस्था समेत गरेको छ ।
डिजिटल सिनेमा नेपालले बितरण गर्न लागेको चलचित्र 'ब्रेक फेल' राजधानीका करिब एक दर्जन सिनेमा घरका साथै राजधानी बाहिरका सिनेमा घरमा पनि रिलिज हुँदैछ । चलचित्र ब्रेक फेल क्यू सिस्टमबाट रिलिज हुन लागेको चलचित्र शिलशिलासँग जुध्ने सम्भावना निकै रहे पनि अहिले प्रदर्शन भईरहेको चलचित्र 'सपना' ले होल्डओभर कायम गरेपछि शिलशिला एक साता पछि धकेलिएको छ । जसको फाईदा चलचित्र 'ब्रेक फेल' लाई भएको छ ।
चलचित्र 'ब्रेक फेल' को प्रिमियरको पूर्व सन्ध्यामा क्विजको अन्तिम बिजेताको नाम पनि घोषणा गरिएको छ । चलचित्र ब्रेक फेलको प्रिमियरमा सहभागी गराउने हेतुले शुरू गरिएको क्विजको छैठौं बिजेता बुद्वनगर निवासी केशब पन्थी भएका छन् । ब्रेक फेल क्विजको अन्तिम प्रश्नको सहि उत्तर पठाएर पन्थी बिजयी भएका हुन् । यससँगै ब्रेक फेल क्विजको बम्पर बिजेता पनि घोषित गरिएको छ । चलचित्र ब्रेक फेलका कलाकारसँग डिनर गर्न पाउने बम्पर बिजेता सर्लाहीका निश्चल सुवेदी भएका छन् ।
मिडिया पार्टनर फिल्मीखबर डटकमको तर्फबाट चलचित्र 'ब्रेक फेल' को सफलतासँगै क्विज बिजेताहरूलाई पनि हार्दिक बधाई ।
