चलचित्र प्रदर्शनको मिति नजिकिंदै गर्दा निर्देशक शंकर घिमिरेले चलचित्र 'ब्रेक फेल' ले राम्रो ब्यापार गर्ने दाबि गरेका छन् । उनले आफ्नो चलचित्र दर्शकको आंकाक्षा अनुरुपको भएका कारण यो चलचित्रले लगानी उठाउने मात्र नभई नाफा समेत कामाउने बताए ।
पछिल्लो समय प्रदर्शन भएका चलचित्रले निरन्तर असफल ब्यापार गरे पनि आफुले चलचित्र 'ब्रेक फेल' दर्शकहरुको चाहनालाई बुझेर निर्माण गरेका कारण दर्शकहरुले मन पराउने बिश्वास ब्यक्त गरेका छन् । आफु यसअघि आफ्ना चलचित्रहरु प्रदर्शन हुँदा हलमा पुगेर दर्शकहरुसंग बसेर चलचित्र हेर्ने गरेको र उनिहरुको प्रतिक्रियालाई ध्यानमा राखेर चलचित्र निर्माण गरेको घिमिरेले बताए ।
दर्शकहरुबाट आउने सबै प्रतिक्रियालाई मनन गरेर आफुले चलचित्र ब्रेक फेलमा ति सबै कमीकमजोरीहरु सञ्चाएको घिमिरेले जनाए ।आफुले कथाले चाहेको कुनै पनि कुरामा कम्प्रमाइज नगरेको तथा दर्शकलाई जबरजस्ती बिचारहरु धेपर्ने काम नगरेको घिमिरेले बताए । उनका अनुसार चलचित्र ब्रेक फेल हेर्दा २ घन्टा १९ मिनेटको समय दर्शहकहरुले पूर्ण मनोरञ्जन प्राप्त गर्ने छन् ।
कुनै पनि पात्रको आगमनमा दर्शकहरु जोड जोडले नहाँस्ने बताउँदै उनले सिचुसएसन कमेडी भएका कारण दर्शकहरुले अवस्था अनुसार खित्का छोडने बताए । शुक्रबारबाट देशभर चलचित्र प्रदर्शन हुनु अगाबै चलचित्रको आज साँझ कुमारी हलमा प्रिमियर गरीदै छ ।
