सेन्चुरी फिल्म्सको व्यानरमा निर्माण भएको चलचित्र पुरानो हुँदैन मायाको प्राबिधिक कार्य भइरहेको छ । चलचित्रको कालिगण्डकी स्टुडियोमा सम्पादन भैरहेको निर्माता निर्मल सेन्चुरीले जानकारी दिए ।
त्रिकोणात्मक प्रेमकथामा आधारित सो चलचित्रको निर्देशन दिपक श्रेष्ठले गरेका हुन् भने लेखन शिवम अधिकारीको हो । चलचित्रमा शिब श्रेष्ठ, सिर्जना बस्नेत, निर्मल सेन्चुरी, जिया केसी, सुमिना घिमिरे, हेमन्त बुढाथोकी लगायतका कलाकारहरुले अभिनय गरेका छन् । चलचित्र काठमाण्डौ, पोखरा, दाङ लगायतका स्थानमा छायाँकन गरीएको छ ।
चलचित्र पुरानो हुँदैन मायामा कोशिस क्षेत्री र नबिन रावलको संगीत रहेको छ । चलचित्रमा लभका सिक्वेन्सहरु बढी भएको निर्माता सेन्चुरीले बताए । सम्पादनको क्रममा चलचित्र हेर्दै जाँदा आत्मसन्तुष्टि मिलेको भन्दै सेन्चुरीले चलचित्र राम्रो बनेको दाबि गरे । उनले चलचित्रमा द्धन्द्धका दृष्यहरु कम भएको जानकारी दिदै देब महर्जनले द्धन्द्ध निर्देशन गरेको जानकारी दिए ।
