सिजी डिजिटल फिल्म अवार्डको लागी मनोनयनमा परेमा चलचित्र र चलचित्रकर्मीहरुलाई यहि २२ गते मनोनयनको प्रमाण पत्र बितरण गरिने भएको छ । आयोजक संस्थाका अध्यक्ष शान्ति प्रियले दिएको जानकारी अनुसार बिहीबार दिउँसो २ बजे कलाकार निर्मल शर्माको रेष्टुरेन्टमा प्रमाण पत्र बितरणको कार्यक्रम राखिएको छ ।
छायाँछबि प्रकाशनको आयोजनामा सम्पन्न हुन गइरहेको अवार्डका लागी यस अघि नै बिभिन्न २९ बिधामा उत्कृष्ठ ५ मनोनयन सार्वजनिक गरिएको छ । यस पटक अवार्ड हात पार्न बिभिन्न २९ बिधामा ५ चलचित्र र १४० चलचित्रकर्मी मनोनयनमा परेका छन् । डिजिटल प्रबिधिमा निर्माण गरी गत आर्थिक वर्ष भित्रमा सेन्सर गरिएका २४ चलचित्र अवार्डमा सहभागी भएका हुन् ।
भाद्र २८ गतेका लागी सिजि डिजिटल फिल्म अबार्ड बितरण कार्यक्रमको मिति तय गरेको जानकारी दिदै अध्यक्ष शान्ति प्रियले मनोनित चलचित्रकर्मीहरुको लागी प्रमाणपत्र बितरणको तयारी अन्तिम चरणमा भइरहेको जानकारी दिए । उनले मनोनयनमा परेका चलचित्रकर्मीहरुलाई निमन्त्रणा गर्ने क्रम सुरु भइसकेको जानकारी दिए ।
यदि कोही कसैलाई निमन्त्रणा नआएमा यहि समाचारलाई निमन्त्रणा स्विकार गरी मनोनयनको प्रमाण पत्र ग्रहण गर्न उपस्थित भै दिनु हुन समेत आयोजकले सम्बन्धित चलचित्रकर्मीहरलाई आग्रह गरेको छ । मनोनयन सुची फिल्मीखबर डटकममा हेर्न सकिने छ ।
