सिजी डिजिटल फिल्म अवार्डको लागी मनोनयनमा परेका चलचित्र र चलचित्रकर्मीहरुलाई मनोनयनको प्रमाण पत्र बितरण गरिएको छ । छायाँछबि प्रकाशनको आयोजनामा भाद्र २८ गते जमलस्थित राष्ट्रिय नाचघरमा बितरण गर्न लागिएको अवार्डको नोमिनेशनमा परेका १४० चलचित्रकर्मीलाई बिहिबार एक समारोहका बिच प्रमाण पत्र बितरण गरिएको हो ।

अवार्डका लागी बिभिन्न २९ बिधामा उत्कृष्ठ ५ मनोनयन सार्वजनिक गरिएको थियो । जसमा कस्ले चोर्‍यो मेरो मन र बाटो मुनिको फूल सबैभन्दा बढी अठार बिधामा मनोनित भएका छन् । लेखक/निर्देशक मोहन निरौला, लेखक/निर्देशक/-अभिनेता ओम प्रतिक, निर्देशक दिनेश कार्की एवम पत्रकार राजेश खनालको निर्णायक टोलिले मूल्याङ्कन गरी उत्कृष्ट ५ को मनोनयन सार्वजनिक गरेको हो ।

मनोनयनमा परेकालाई अवार्ड दिलाउन आम जनताले समेत आफ्नो मत ब्यक्त गर्न पाउने भएका छन् । एसएमएस भोटिङका लागि CGA टाईप गरि दिएर आफूले भोट गर्न चाहेको बिधाको कोड नम्बर टाईप गरि २३३३ मा एसएमएस गर्न सकिनेछ । मनोनय सुची हेर्न तलको लिङ्कमा क्लिक गर्नुहोला !

http://www.filmykhabar.com/index.php?page=news&news_id=4269