चलचित्र 'च्यालेञ्ज' नायक रेश मरहठ्ठा पुन: एक पटक हलिउडको चलचित्रमा देखिने भएका छन् । यस अघि एक अंग्रेजी चलचित्रमा अभिनय गरेका रेशलाई यस पटक एचबिओ मुभिज च्यानलले आफ्नै निर्माणमा बन्न लागेको चलचित्रमा रेशलाई अनुबन्धित गरेको छ ।
एचबिओले निर्माण गर्न लागेको चलचित्र 'इन्डेन्जर्ड' मा आफू अनुबन्धित भएको रेशले फिल्मीखबरलाई जानकारी गराए । आफ्नो होम प्रोडक्सनको चलचित्र 'च्यालेञ्ज' प्रदर्शन गर्न अमेरिका पुगेका रेशले हलिउड अभिनेता क्रीस्टल लार्गेन र स्टेभेन मिलरसँग सो चलचित्रमा अभिनय गर्न लागेको बताए । ब्लेक फाउकेटे र आइक क्विग्लेले निर्माण गर्ने चलचित्र 'इन्डेन्जर्ड' का निर्देशक भने उनले उल्लेख गरेका छैनन् ।
क्रिशमस पछि छायाँकन गर्ने बताईएको सो चलचित्र भारतिय मूलमा बस्दै आएको नागररिक र अमेरिकी महिला नागरिक बिचको प्रेम सम्बन्धमा आधारित रहेको रेशको भनाई छ । यसरी नेपाली नागरिक भएर हलिउडको चलचित्रमा अभिनय गर्न पाउँदा आफू निकै खुसी भएको रेशले बताए । उनी हलिउड चलचित्रमा अभिनय गर्ने त बताए तर कस्तो भुमिकामा देखिंदै छन् त्यसको लागी भने केहि समय पर्खनु पर्ने हुन्छ ।
