हार्डडिक्सबाट नै सिन उडेपछि चलचित्र 'प्लान' को आज पुन: छायाँकन गरिंदै छ । साईलेन्स इन्टरटेन्मेन्टको क्यामेरा प्रयोग गरेर छायाँकन गरिएको चलचित्र 'प्लान' को पिकनिक र केहि बाटोका सिनहरू हार्डडिक्सबाट उडेपछि बितरक डिसियन र साईलेन्स इन्टरटेन्मेन्टको संयुक्त खर्चमा चलचित्रको रि-सुट गर्न लागिएको हो ।
डिसियनले क्यामेरा सहितको इक्विपमेन्ट उपलब्ध गराउने र सुटिङमा हुने खर्च साईलेन्स इन्टरटेन्मेन्टले बेहोर्ने सर्तमा आज किर्तिपुर आसपासका सडकमा छायाँकन भईरहेको छ । चलचित्रको मुख्य पिकनिकको सिन पनि किर्तिपुर आसपासमा नै गरिने भएको छ । चलचित्रका निर्देशक सोभित बस्नेतले दिएको जानकारी अनुसार आज दिन भरीमा सुटिङ गरेर सकिने छ ।
सलोन फिल्म्सको व्यानरमा कविता श्रेष्ठले निर्माण गरेको चलचित्र 'प्लान' मा मुकेश ढकाल, रागिनी खड्गी, सुनिल थापा, अनुष्का ढकाल, मोहन निरौला, शोभित बस्नेत, ध्रुव न्यौपाने, अनिता दाहाल, राजेन्द्र खड्गी लगायतले अभिनय गरेका छन् । डिजेहरुको अर्न्तद्धन्द्धलाई मुख्य कथाबस्तु बनाएर निर्माण गरीएको यस चलचित्रमा दिनेश न्यौपानेको लेखन, राजेन्द्र खड्गीको द्वन्द, शिव बिकको नृत्य तथा कृष्ण श्रेष्ठको छायाँकन रहेको छ ।
