चलचित्र मायाज बारको शुभमुहुर्त गरिएको छ । सिजि डिजिटल फिल्म अवार्डको अवसर पारी चलचित्रको महुर्त गरीएको हो । दिनेश डिसिको निर्देशनमा बन्ने उक्त चलचित्रको केही वर्ष अघि नै घोषणा गरिए पनि बुधबार मात्र शुभमुहुर्त गरिएको हो ।
डिसिले निर्देशन तथा सञ्चालन गरेको कार्यक्रम खोजी प्रतिभाकोमा अभिनय बिधामा द्धितिय भएका गजित बिष्टले यस चलचित्रबाट डेब्यु गर्दैछन् । कार्यक्रममा चलचित्र मायाज बारको एक गीतमा नायक बिष्टले नृत्य समेत गरेका थिए । उनले 'माया यो माया ...' बोलको गीतमा नृत्य गरे लगत्तै चलचित्रको शुभमुहुर्त गरिएको थियो । गीत पहिलो पटक सार्वजनिक गरी शुभमुहुर्त गरिएको उक्त चलचित्रको मुहुर्त क्ल्याप पुर्व उर्जा मन्त्री गोकर्ण बिष्टले हानेका थिए ।
यसैगरी मुहुर्तमा नवनायक गजित बिष्टलाई नायक राजेश हमाल र नायिका करिष्मा मानन्धरले शुभकामना दिएका थिए । पहिलो पटक सिजि डिजिटल 
अवार्ड मार्फत वर्ल्ड प्रिमियर गरिएको उक्त गितमा नृत्य गर्ने क्रममा नायकको धेरैले प्रसंसा गरे । दर्शकदिर्घामा रहेर कार्यक्रम हेरिरहेका नृत्य निर्देशक गोबिन्द राई समेत उक्त नृत्यको प्रसंसा गरेका थिए ।
गम्भिर बिष्टको कोरियोग्राफि रहेको उक्त गीतमा राउण्ड मार्ने क्रममा नायकको हात पोडीयममा ठोकीएको थियो । सिसाद्धारा निर्मीत उक्त पोडीयममा उनको हात ठोक्किदा पोडीयमको सिसा नै फुटेको थियो । सिसा फुटेर हातमा चोट लागे पनि नायकले भने नृत्य गर्न छोडेनन् । सिसा फुट्नुलाई शुभ संकेतको रुपमा हेरिए पनि नायकलाई भने त्यस लगत्तै हस्पिटलमा लगी ड्रेसिङ गरीएको थियो ।
