नेपाली चलचित्र प्रेमी दर्शकहरूका लागि यस पालीको 'भ्यालेन्टाईन डे' अर्थात प्रेम दिवस स्पेशल हुने भएको छ । नायक दिलिप रायमाझी र निर्देशक सुरेश दर्पण पोखरेलले 'भ्यालेनटाईन डे' को अवसरमा दर्शकहरूलाई एक आकर्षक गिफ्ट दिने भएका छन् ।

लामो समय देखि निकै प्रतिक्षारत बनेको नेपाली चलचित्र 'मिस यू' को आगामी फेब्रुअरी १४ अर्थात 'भ्यालेनटाइन डे' का दिन  नेपालभरका अधिकांश सिनेमा घरमा सार्वजनिक प्रदर्शन गरिंदै छ । हरेकको ढुकढुकीमा बस्न सफल नायिका नम्रता श्रेष्ठ, नायक दिलिप रायमाझी तथा मोडल बरूण राणा अभिनित चलचित्र  'मिस यू' युरोप र थाईल्याण्डमा भने यहि नोभेम्बर महिनामा सार्वजनिक गरिंदै छ ।

चलचित्र 'मिस यू' पूर्ण रूपमा प्रेमकथामा आधारित रहेकाले दर्शकहरूलाई गिफ्ट स्वरूप प्रेम दिवसका दिन सार्वजनिक गर्ने तयारी गरेको निर्देशक सुरेश दर्पण पोखरेलले फिल्मीखबरलाई जानकारी गराए । रिलिज डेटसँगै फिल्मीखबर डटकमको माध्यमबाट पहिलो पटक एक्सक्लुसिभ रूपमा 'मिस यू' को फस्ट लुक सार्वजनिक गरिएको छ । पछिल्लो समयमा दर्शकहरूको पर्खाईको चलचित्र 'मिस यू' को केहि प्रोमो र गीत एक साता भित्रमा फिल्मीखबरबाट नै सार्वजनिक गरिने छ ।

दिब्या एण्ड दर्पण क्रियशनको प्रस्तुतीमा दिलिप रायमाझीले निर्माण गरेको चलचित्र 'मिस यू' को अडियो बिमोचन पनि छिट्टै नै गरिंदै छ । बाबु बोगटी र किचमान चित्रकारको संगीत रहेको सो चलचित्रमा राजुबिक्रम थापा र धिरजजंग शाहको छायाँकन तथा सुरज सुब्बा 'नाल्बो' को कथा रहेको छ । मलेसियाका रमणिय स्थानमा छायाँकन गरिएको सो चलचित्रलाई बिश्वका करिब दुई दर्जन देशमा सार्वजनिक गर्ने तयारी गरिएको छ ।

MISS U_1st teaser