चितवनको नारायणगढमा रहेको इन्द्रदेव सिनेमा घरमा गरिएको सो बिशेष शोमा सञ्चारकर्मी, चितवनका चलचित्रकर्मी, केहि व्यापारी सहितका बिशिष्ट व्यक्तिको उपस्थिती रहेको थियो । चलचित्र हेरीसके पछि निर्देशक सहित कलाकार र गीतसंगीतको खुलेर प्रशंसा गरे ।
बिकाश आचार्य निर्देशित सो चलचित्रले सबैभन्दा बढि प्रशंसा गीतसंगीतको पायो । 'नाइ नभन्नु ल' मा भन्दा राम्रो काम गरेको भन्दै नायक जीवन लुईटेल र नायिका ऋचा सिंह ठकुरीको पनि सबैले तारिफ गरे । त्यसैगरी अर्का नायक अयुब केसी र बालकलाकार बिज्ञान सापकोटाले पनि राम्रो काम गरेको उपस्थित सबैले बताए । चलचित्रको क्वालिटी हेरेर दंगिएका सञ्चारकर्मीले व्यापार राम्रो गर्ने बिश्वास व्यक्त गरे ।
असोज १६ गते देखि राजधानी बाहिरका सिनेमा घरमा यो चलचित्र चल्दै छ । चितवनमा भने यो चलचित्र इन्द्रदेव सिनेमा घरमा लाग्ने छ । स्मरण रहोस् बिकास आचार्य निर्देशित चलचित्र 'नाइ नभन्नु ल' ले सबैभन्दा बढि पैसा कमाएको हल इन्द्रदेव नै हो । यो चलचित्र चितवनमा सबैभन्दा बढि हिट भएको थियो । आशा गरौं यो चलचित्रले 'नाइ नभन्नु ल' को पनि रेकर्ड तोड्ने छ ।
