'म, उ बिनाको जीवन सायद सोच्न पनि सक्दिन । उ मेरो रोजाई हो, मेरो पहिलो प्रेम हो ।' - साँझ

'तिम्रो आँखामा आँशु देख्दा जति पिडा साँझलाई हुन्छ त्यतिनै पिडा मलाई पनि हुन्छ ।' - सक्षम

'कसैले भनेका छन् सच्चा साथीमा भगवानको रूप हुन्छ रे ! त्यसैले साथीलाई मनमा हैन मन्दिरमा राख्नु पर्दछ ।' - ज्यासमिन

माथि प्रस्तुत संवादहरू सुन्दा लाग्छ यि तीन साथीहरू बिच निकै राम्रो मित्रता छ । यिनीहरू एकअर्का बिना बाँच्न सक्दैनन् । तर पनि उनीहरू सँगै छैनन् । कहिं कतै एकान्तमा टोलाईरहेका भेटिन्छन् । हो, यहि थिममा आधारित रहेर चलचित्र 'मिस यू' को प्रोमो निर्माण गरिएको छ । जसलाई फिल्मीखबर डटकमले प्रिमियर गरेको छ । 

 World Premiere promo of movie 'MISS U'

नायक दिलिप रायमाझीले निर्माण गरेको चलचित्र 'मिस यू' मा नायिका नम्रता श्रेष्ठलाई करिब दुई बर्षको अन्तराल पछि पर्दामा नायिकाको रूपमा देख्न पाईने छ । नम्रताको प्रस्तुत चलचित्र हेर्न अब धेरै समय कुर्नु पर्दैन । प्रेम र मित्रता बिषयलाई रोचक ढंगले प्रस्तुत गरिएको चलचित्र 'मिस यू' प्रेम दिवस अर्थात भ्यालेनटाइन डेको अवसर पारेर नेपालका सिनेमा घरमा सार्वजनिक गरिंदै छ ।

सुरेश दर्पण पोखरेलको निर्देशनमा बनेको चलचित्र 'मिस यू' को फस्ट लुक सार्वजनिक भएको तीन दिन पछि प्रस्तुत प्रोमो प्रिमियर गरिएको हो ।  दिव्याज क्रियशन र दर्पण क्रियशनको संयुक्त प्रस्तुतीमा निर्माण गरिएको चलचित्र 'मिस यू' अक्टुबर महिना अर्थात तिहारको छेकोमा थाईल्याण्ड र युरोपको शहरमा प्रिमियर गरिंदै छ । चलचित्रमा नम्रता श्रेष्ठ, दिलिप रायमाझी र बरूण राणाले अभिनय गरेका छन् । फिल्मीखबर डटकम चलचित्र 'मिस यू' को अफिसियल अनलाईन मिडिया हो ।

Frist look of movie 'MISS U'