हजारौं दर्शकहरुको विचमा गायक आनन्द कार्कीले नरिवल फोडेर छायांकनको शुभारम्भ गरेको नेपाली कथानक चलचित्र 'मिस यू' अव छिट्टै नै प्रर्दशन हुने खवरले मलेसियामा रहेका नेपालीहरु निकै खुशि भएका छन् ।
मलेसियाको पर्यटकिय स्थान मलक्काबाट शुरु भएको 'मिस यू' को छायांकन मलेसियाको अधिकाशंमा भागमा भएको थियो । करिव एक वर्षको पखाई पश्चात भर्खरै फेसवुक मार्फत सार्वजनिक भएको प्रोमोमा देखिने मलेसियाको सिनले मलेसियामा वस्ने नेपालीहरुलाई आर्कषित गरिसकेको छ । जसको कारणले गर्दा पनि यो चलचित्रले मलेसियामा निकै सफलता पाउनेमा आशा गर्न सकिने भएको छ ।
यस अगाडि नेपाली चलचित्रको इतिहासमा पहिलो पटक चलचित्र हलमा चलेर इतिहास रचेको कहाँ भेटिएलालाई जस्तो यो चलचित्रलाई पनि यहाँका दर्शकहरुले पर्दामा हेर्नको लागि आतुर देखिन्छन् । विभिन्न सांस्कृतिक कार्यक्रममा वारम्वार मलेसिया आईरहने दिलिप रायमाझिको निकै धेरै फयानहरु भएको कारण पनि यो चलचित्र मलेसियामा निकै सफल हुने अनुमान लगाउन सकिन्छ । दिलिप मात्र हैन नम्रता श्रेष्ठलाई पनि दर्शकहरू पर्दामा हेर्न आतुर भएको बुझिएको छ ।
दिलिप रायमाझीको निर्माणमा सुरेश दर्पण पोखरेलले निर्देशन गरेको चलचित्र 'मिस यू' मा दिलिप र नम्रताको साथमा बरूण राणाको पनि मुख्य भुमिका रहेको छ । चलचित्र युरोप र थाईल्याण्डमा प्रिमियर गरिने भएको छ ।
